ବ୍ରହ୍ମପୁର ଅଫିସ,୬ା୬: କରୋନା ମୁକାବିଲା ପାଇଁ ସରକାର ଜୁନ୍ ୩୦ ପର୍ଯ୍ୟନ୍ତ ୧୧ଟି ଜିଲାରେ ପ୍ରତ୍ୟେକ ସପ୍ତାହର ଶନିବାର ଓ ରବିବାର ସମ୍ପୂର୍ଣ୍ଣ ଶଟ୍ଡାଉନ୍ ଘୋଷଣା କରିଛନ୍ତି। ତନ୍ମଧ୍ୟରେ ଗଞ୍ଜାମ ଜିଲା ରହିିଥିବା ବେଳେ ଶନିବାର ପ୍ରଥମ ଶଟ୍ଡାଉନ୍ର ପ୍ରଭାବ ଗଞ୍ଜାମ ଜିଲାର ବ୍ରହ୍ମପୁର ସହରରେ ଦେଖିବାକୁ ମିଳିଛି। ଏହାର ପ୍ରଭାବରେ ଶନିବାର ସକାଳୁ ସହରର ସମସ୍ତ ମାର୍କେଟ, ଦୋକାନ, ବଜାର ବନ୍ଦ ରହିଥିଲା। ଏପରିକି ପରିବା ମାର୍କେଟ, ତେଜରାତି ଭଳି ଅତ୍ୟାବଶ୍ୟକୀୟ ସାମଗ୍ରୀ ଦୋକାନ ମଧ୍ୟ ସମ୍ପୂର୍ଣ୍ଣ ବନ୍ଦ ରହିଥିଲା। ସହରର ସବୁଠାରୁ ଜନଗହଳି ପୂର୍ଣ୍ଣ ମାର୍କେଟ ଅଞ୍ଚଳ ବଡ଼ବଜାର, ସାନ ବଜାର, ହନୁମାନ ବଜାର, ଗିରିମାର୍କେଟ, ଗିରିଜାଛକ, ଅନ୍ନପୂର୍ଣ୍ଣା ମାର୍କେଟ ସମେତ ସମସ୍ତ ମାର୍କେଟ ଅଞ୍ଚଳ ଶୂନ୍ଶାନ୍ ରହିଥିଲା। ଅନ୍ୟପକ୍ଷରେ ଶଟ୍ଡାଉନ୍କୁ ସଫଳ କରିବା ନେଇ ପ୍ରଶାସନ ପକ୍ଷରୁ ମଧ୍ୟ ବିଭିନ୍ନ ଛକରେ ଯାଞ୍ଚକୁ କଡ଼ାକଡ଼ି କରାଯାଇଥିଲା। ଗେଟ୍ବଜାର, ଫାଷ୍ଟଗେଟ୍, ଅନ୍ଧପସରା ରୋଡ୍ ସମେତ ବିଭିନ୍ନ ଛକରେ ପୋଲିସ ଓ ପ୍ରଶାସନ ପକ୍ଷରୁ ଯାଞ୍ଚକୁ କଡ଼ାକଡ଼ି କରାଯାଇଥିଲା।
