ବ୍ରହ୍ମପୁର ଅଫିସ,୨୧ା୯-ବ୍ରହ୍ମପୁର ବିଶ୍ୱବିଦ୍ୟାଳୟରେ ଅଣଛାତ୍ରଙ୍କ ଗୁଣ୍ଡାରାଜ ଥମିବା ପରିବର୍ତ୍ତେ ଦିନକୁ ଦିନ ବଢିବାରେ ଲାଗିଛି ା କିଛିଦିନ ତଳେ ଦୁଇ ଛାତ୍ର ନବାଗତ ଛାତ୍ରଙ୍କ ହଷ୍ଟେଲକୁ ଯାଇ ମାରଣାସ୍ତ୍ର ଦେଖାଇ ଧମକ ଦେଇଥିବା ଅଭିଯୋଗ ହୋଇଥିଲା। ଘଟଣା ସପ୍ତାହ ପରେ ଶୁକ୍ରବାର ପୁଣି କେତେକ ଅଣଛାତ୍ରଙ୍କ ଗୁଣ୍ଡାରାଜ ଦେଖିବାକୁ ମିଳିଛି ା ବିଶ୍ୱବିଦ୍ୟାଳୟ କ୍ୟାମ୍ପସରେ ଥିବା ଆନନ୍ଦ ବଜାରରେ ଅଣଛାତ୍ରମାନେ ପୂର୍ବତନ ଛାତ୍ରନେତା ଦେବାଶିଷ ମିଶ୍ର(ବୁନୁ)ଙ୍କୁ ସଂଘବଦ୍ଧ ଆକ୍ରମଣ କରିଥିବା ଅଭିଯୋଗ ହୋଇଛି ା
ସୂଚନା ପ୍ରକାରେ, ଶୁକ୍ରବାର ପୂର୍ବତନ ଛାତ୍ରନେତା ଦେବାଶିଷ ପିଏଚଡି ନାମଲେଖା ସମ୍ପର୍କରେ ବୁଝିବାକୁ ବିଶ୍ୱବିଦ୍ୟାଳୟକୁ ଆସିଥିଲେ। କ୍ୟାମ୍ପସରେ ଥିବା ଆନନ୍ଦ ବଜାର ନିକଟରେ ତାଙ୍କୁ କେତେକ ଛାତ୍ର ଓ ଅଣଛାତ୍ର ସଂଘବଦ୍ଧ ଆକ୍ରମଣ କରିଥିଲେ। ଏଥିରେ ଦେବାଶିଷଙ୍କ ମୁଣ୍ଡ, ହାତ, ଗୋଡରେ ଗଭୀର ଆଘାତ ଲାଗି ଥିଲା ା ସ୍ଥାନୀୟ କେତେକ ଛାତ୍ର ଓ ସହଯୋଗୀ ଦେବାଶିଷଙ୍କୁ ଏମ୍କେସିଜି ମେଡିକାଲକୁ ନେଇଥିଲେ ା ଖବର ପାଇ ଗୋପାଳପୁର ପୋଲିସ ଦୁଇ ଛାତ୍ରଙ୍କୁ ଥାନାରେ ଅଟକ ରଖିିବା ସହ ପୂର୍ବତନ ଛାତ୍ରନେତାଙ୍କ କାରକୁ ମଧ୍ୟ ନିଜ ହେପାଜତକୁ ନେଇଥିବା ଜଣାପଡିଛି ା
ଅନ୍ୟପକ୍ଷରେ ଘଟଣାକୁ ନେଇ ବିଶ୍ୱବିଦ୍ୟାଳୟ ଛାତ୍ରୀଛାତ୍ରଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି ା ବାରମ୍ବାର କ୍ୟାମ୍ପସରେ ଅଣଛାତ୍ରମାନେ ବିଶୃଙ୍ଖଳା ସୃଷ୍ଟି କରିବା ସହ ଛାତ୍ରୀଛାତ୍ରଙ୍କୁ ଆକ୍ରମଣ କରୁଛନ୍ତି। ଏହାସତ୍ତ୍ୱେ ଅଣଛାତ୍ରଙ୍କ ଅନୁପ୍ରବେଶ ଉପରେ ବିଶ୍ୱବିଦ୍ୟାଳୟ ପକ୍ଷରୁ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନ ଥିବା ସେମାନେ ଅଭିଯୋଗ କରିଛନ୍ତି ା
ବିଶ୍ୱବିଦ୍ୟାଳୟର ଗୋଟିଏ ଛାତ୍ରଗୋଷ୍ଠୀ ଅଣଛାତ୍ରଙ୍କ ଅନୁପ୍ରବେଶ ବନ୍ଦ କରିବା ସହ ଥାନାରେ ଅଟକ ରଖିଥିବା ଦୁଇ ଛାତ୍ରଙ୍କୁ ଛଡାଯାଇ ଘଟଣାରେ ସମ୍ପୃକ୍ତ ଥିବା ଅଣଛାତ୍ରଙ୍କୁ ଗିରଫ କରିବାକୁ ଦାବି କରିଛନ୍ତି ା ବିପକ୍ଷ ଛାତ୍ରଗୋଷ୍ଠୀ ଅଣଛାତ୍ରଙ୍କ ଅନୁପ୍ରବେଶ ରେକିବା ସହ କ୍ୟାମ୍ପସରେ ବିଶୃଙ୍ଖଳା, ଛାତ୍ରଙ୍କ ଗୁଣ୍ଡାରାଜ ଉପରେ ଅଙ୍କୁଶ ଲଗାଇବା ଦିଗରେ ଦୃଢ ପଦକ୍ଷେପ ଗ୍ରହଣ କରିବାକୁ ଦାବି କରିଛନ୍ତି ା ଉଭୟ ଗୋଷ୍ଠୀ ବିତ୍ତ ନିୟନ୍ତ୍ରକ କେ.କେ. ଖଟୁଆଙ୍କୁ ଅଭିଯୋଗ ପତ୍ର ପ୍ରଦାନ କରିଛନ୍ତି ା ଛାତ୍ରୀଛାତ୍ରଙ୍କ ଅଭିଯୋଗକୁ ବ୍ରହ୍ମପୁର ଏସ୍ପି ଓ ସ୍ଥାନୀୟ ଗୋପାଳପୁର ଥାନାକୁ ପଠାଯାଇଥିବା ବିତ୍ତ ନିୟନ୍ତ୍ରକ ଖଟୁଆ କହିଛନ୍ତି ା ଏଥିସହ କିଛିଦିନ ତଳେ ହଷ୍ଟେଲରେ ହୋଇଥିବା ଦୁଇ ସିନିୟର ଛାତ୍ରଙ୍କ ବିଶୃଙ୍ଖଳା ଓ ର଼୍ୟାଗିଂ ଅଭିଯୋଗ ଉପରେ ମଧ୍ୟ ବିଶ୍ୱବିଦ୍ୟାଳୟ ପକ୍ଷରୁ ନିଆଯାଇଥିବା ନିଷ୍ପତ୍ତି ପ୍ରକାରେ ରାତିରେ ପିସିଆର ଭ୍ୟାନ ନିୟୋଜିତ କରିବାକୁ ଏସ୍ପିଙ୍କୁ ଲିଖିତ ଭାବେ ଜଣାଯାଇଥିବା ସେ ସୂଚାଇଛନ୍ତି ା
ତେବେ ଖବର ଲେଖାହେବା ସୁଦ୍ଧା ଘଟଣା ସମ୍ପର୍କରେ ଲିଖିତ ଅଭିଯୋଗ ଥାନାରେ ପହଞ୍ଚି ନାହିଁ ା ତଥାପି କ୍ୟାମ୍ପସର ଶାନ୍ତି ଶୃଙ୍ଖଳା ଦୃଷ୍ଟିରୁ ୩ ପ୍ଲାଟୁନ୍ ଫୋର୍ସ ମୃତୟନ କରାଯାଇଥିବା ଗୋପାଳପୁର ଥାନା ଅଧିକାରୀ ବିବେକାନନ୍ଦ ମହନ୍ତ ସୂଚାଇଛନ୍ତି ା