ବ୍ରହ୍ମପୁର ଅଫିସ,୧ା୩ – ୨୦୧୯-୨୦ ବର୍ଷ ପାଇଁ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କାୟାକଳ୍ପ ପୁରସ୍କାର ମଙ୍ଗଳବାର ଘୋଷଣା କରାଯାଇଛି। ଚଳିତ ବର୍ଷ ଏହି ପୁରସ୍କାରରେ ପୁଣି ବାଜି ମାରିଛି ବ୍ରହ୍ମପୁର ମହାନଗର ନିଗମ(ବିଏମ୍ସି) ସହରାଞ୍ଚଳ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର(ୟୁପିଏଚ୍ସି)। ଏହି ପୁରସ୍କାରରେ ସହରର ୮ ୟୁପିଏଚ୍ସି ମଧ୍ୟରୁ ଆଗାସାହି ଓଡିଶାରେ ପ୍ରଥମସ୍ଥାନ ହାସଲ କରିଛି । ଆସ୍କାରୋଡ ଓ ବୈକୁଣ୍ଠନଗର ୟୁପିଏଚ୍ସି ଦ୍ୱିତୀୟ ସ୍ଥାନ ହାସଲ କରିଛି । ଏହାବ୍ୟତୀତ ଅନ୍ୟ ୪ ୟୁପିଏଚ୍ସି ରାଜ୍ୟର ଶ୍ରେଷ୍ଠ ୧୫ ମଧ୍ୟରେ ରହିଛି। ସେମାନଙ୍କ ମଧ୍ୟରେ ଆମ୍ବପୁଆ ୬ଷ୍ଠ , ଖୋଡାସିଙ୍ଗି ୧୧ତମ, ଉତ୍ତରାମୁଖୀ ୧୪ତମ, ଗୁଡସ୍ଶେଡ୍ ରୋଡ୍ ୟୁପିଏଚ୍ସି ୧୫ତମ ସ୍ଥାନରେ ରହିଥିବା ନେଇ ବିଏମ୍ସି କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ା ସୂଚନାଯୋଗ୍ୟ, ୨୦୧୯ ଫେବୃୟାରୀରେ ୨୦୧୮-୧୯ ପାଇଁ ଘୋଷିତ କାୟାକଳ୍ପ ପୁରସ୍କାର ବ୍ରହ୍ମପୁରର ୭ ୟୁପିଏଚ୍ସି ଶ୍ରେଷ୍ଠ ୨୫ ମଧ୍ୟରେ ସ୍ଥାନ ପାଇଥିଲା ା ସେଥିମଧ୍ୟରୁ ପ୍ରଥମ ଶ୍ରେଷ୍ଠ ୧୦ ସ୍ବାସ୍ଥ୍ୟକେନ୍ଦ୍ର ମଧ୍ୟରେ ବ୍ରହ୍ମପୁରର ୫ ୟୁପିଏଚ୍ସି ରହିଥିଲା ।