ରାଇରଙ୍ଗପୁର,୬ା୨(ଡି.ଏନ୍.ଏ.)- ରାଇରଙ୍ଗପୁର ପୋଲିସ ବୁଧବାର ଚଢାଉ କରି ୧୨ ଗ୍ରାମ ବ୍ରାଉନସୁଗାର ଜବତ କରିବା ସହ ଜଣଙ୍କୁ ଗିରଫ କରିଛି। ସର୍କଲ ଏସ୍ଡିପିଓ ସ୍ନେହାଶିଷ ସାହୁଙ୍କ ନେତୃତ୍ୱରେ ଟାଉନ ଥାନା ଅଧିକାରୀ ଇନ୍ସପେକ୍ଟର ରେଣୁବାଳା ସାହୁ ଏବଂ ସବ୍ଇନ୍ସପେକ୍ଟର ସଙ୍ଗୀତା ଦାସ ସଦଳବଳେ କୁଚେଇବୁଢ଼ୀ ବସ୍ତୀ ଅଞ୍ଚଳ ରେଡକ୍ରସ ରାସ୍ତାରୁ ଉକ୍ତ ଚୋରା ବ୍ରାଉନସୁଗାର ବେପାରୀଙ୍କୁ ଗିରଫ କରିଥିଲେ। ଅଭିଯୁକ୍ତ ହେଲେ ସହରାଞ୍ଚଳ ଠାକୁରାଣୀବେଡ଼ା ବସ୍ତୀ ଅଞ୍ଚଳର ଏମଡ଼ି ଦିଲଦାର (୨୫)। ଜବତ ବ୍ରାଉନସୁଗାରର ମୂଲ୍ୟ ପ୍ରାୟ ୧ ଲକ୍ଷ ୭୦ ହଜାର ଟଙ୍କା ହେବ ବୋଲି ପୋଲିସ କହିଛି। ଗିରଫ ଦିଲଦାରଙ୍କଠାରୁ ପୋଲିସ ନଗଦ ୨ ହଜାର ୬୯ ଟଙ୍କା ସମେତ ୬ଟି ଏଟିଏମ୍ କାର୍ଡ, ଗୋଟିଏ ମୋବାଇଲ ଜବତ କରିଛି। ଏନେଇ ଥାନାରେ ଏକ ମାମଲା (ନଂ.୨୩/୨୦)ରେ ଏକ ରୁଜୁ କରି ପୋଲିସ ତଦନ୍ତ ଜାରି ରଖିଛି।