ଓଭାଲ,୧୧।୯- ଅଷ୍ଟ୍ରେଲିଆନ ବ୍ୟାଟ୍ସମ୍ୟାନ ଷ୍ଟିଭ ସ୍ମିଥ ଚଳିତ ଆଶେସ ସିରିଜ୍ରେ ଚମତ୍କାର ଫର୍ମରେ ରହିଛନ୍ତି। ପୂର୍ବତନ ଅଷ୍ଟ୍ରେଲିଆନ ଅଧିନାୟକ ଏପର୍ଯ୍ୟନ୍ତ ଆଶେସ ସିରିଜ୍ରେ ଏକ ଦ୍ୱିଶତକ ସହ ଦୁଇଟି ଲେଖାଏ ଶତକ ଓ ଅର୍ଦ୍ଧଶତକ ଲଗାଇ ସାରିଛନ୍ତି। ସିରିଜ୍ରେ ୩ ମ୍ୟାଚ୍ ଖେଳିଥିବା ସ୍ମିଥ ୬୭୧ ରନ୍ କରିଛନ୍ତି। ଡାହାଣହାତୀ ବ୍ୟାଟ୍ସମ୍ୟାନ ୩ୟ ଟେଷ୍ଟରୁ ବାଦ୍ ପଡ଼ି ନ ଥିଲେ, ସେ ଆହୁରି ରନ୍ କରିଥାନ୍ତେ। ବିଶ୍ୱର ନଂ ୧ ର଼୍ୟାଙ୍କଧାରୀ ବ୍ୟାଟ୍ସମ୍ୟାନ ସ୍ମିଥ ଆଗାମୀ ତଥା ଅନ୍ତିମ ଆଶେସ ଟେଷ୍ଟରେ ସାର. ଡନ ବ୍ରାଡମ୍ୟାନଙ୍କ ୮୯ ବର୍ଷର ପୁରୁଣା ରେକର୍ଡ ଭାଙ୍ଗି ପାରନ୍ତି। ୧୯୩୦ ଆଶେସରେ ବ୍ରାଡମ୍ୟାନ ୯୭୪ ରନ୍ କରିଥିଲେ। ଏହା କୌଣସି ଦ୍ୱିପାକ୍ଷିକ ଟେଷ୍ଟ ସିରିଜ୍ରେ ଜଣେ ବ୍ୟାଟ୍ସମ୍ୟାନଙ୍କ ଲାଗି ସର୍ବାଧିକ। ଓଭାଲ ଟେଷ୍ଟର ଉଭୟ ଇନିଂସରେ ୩୦୪ ରନ୍ କରିବାକୁ ସକ୍ଷମ ହେଲେ ସ୍ମିଥ ବ୍ରାଡମ୍ୟାନଙ୍କ ଉକ୍ତ ରେକର୍ଡ ଭାଙ୍ଗିବେ।