ନୂଆଦିଲ୍ଲୀ,୧୨।୮ : ୪୦ ବର୍ଷ ଧରି କଂଗ୍ରେସରେ କାର୍ଯ୍ୟ କରିଥିବା ପୂର୍ବତନ ଆଇନ ମନ୍ତ୍ରୀ ତଥା ବରିଷ୍ଠ ଆଡଭୋକେଟ କପିଲ ସିବଲ ଶନିବାର ଅଭିଯୋଗ କରିଛନ୍ତି ବ୍ରିଟିଶ ସମୟର ଭାରତୀୟ ପେନାଲ କୋଡ (ଆଇପିସି) କୁ ବଦଳାଇବା ପାଇଁ ଅଣାଯାଉଥିବା ଭାରତୀୟ ଜୁଡିସିଆଲ କୋଡ ବିଲ (ବିଏନଏସ) ରାଜନୈତିକ ଉଦ୍ଦେଶ୍ୟ ପ୍ରଣୋଦିତ।
ଏହା ପୋଲିସ ଶକ୍ତିର ଅପବ୍ୟବହାରକୁ ଅନୁମତି ଦେବ। ସାଧାରଣ ଲୋକେ ନିର୍ଯାତିତ ହେବେ। ଏଭଳି ଆଇନ ଆଣିବା ପଛରେ ସରକାରଙ୍କ ଏଜେଣ୍ଡା ହେଉଛି ବିରୋଧୀଙ୍କୁ ଚୁପ କରିବା।
ବିଏନଏସ ୧୫ ରୁ ୬୦ କିମ୍ବା ୯୦ ଦିନ ପର୍ଯ୍ୟନ୍ତ ପୋଲିସ ହେପାଜତକୁ ଅନୁମତି ଦେବ। ରାଜ୍ୟର ସୁରକ୍ଷା ପ୍ରତି ବିପଦ ଥିବା ବ୍ୟକ୍ତିବିଶେଷଙ୍କୁ ଦୋଷୀ ସାବ୍ୟସ୍ତ କରିବା ପାଇଁ ଏହି ଏଜେଣ୍ଡା ବିରୋଧୀଙ୍କୁ ନୀରବ କରିବା ଲାଗି ଶାସକ ଭାଜପାର ଷଡ଼ଯନ୍ତ୍ର।
ଏହା ଦ୍ୱାରା ସରକାର ପ୍ରକୃତ ନ୍ୟାୟିକ ବ୍ୟବସ୍ଥାର କଣ୍ଠରୋଧ କରି ଏକଛତ୍ରବାଦୀ ଭାବେ ଆଇନ ପ୍ରଣୟନ କରିଛନ୍ତି।
ଏହା ଅତ୍ୟନ୍ତ ନିନ୍ଦାଜନକ ଏବଂ ଦେଶର ଗଣତନ୍ତ୍ର ପାଇଁ ବିପଦ ବୋଲି ସିବଲ ଟୁଇଟ କରି କହିଛନ୍ତି।