ଜି.ଉଦୟଗିରି,୨୮ା୧୧(ଡି.ଏନ.ଏ.)-ଜି.ଉଦୟଗିରି ବ୍ଲକ ଅଧ୍ୟକ୍ଷା ଦିପ୍ତୀରେଖା ପ୍ରଧାନଙ୍କ ବିରୋଧରେ ଆଗତ ଅନାସ୍ଥା ପ୍ରସ୍ତାବ ଗୁରୁବାର ଗୃହୀତ ହୋଇଛି । ଅନାସ୍ଥା ପ୍ରସ୍ତାବ ନିମନ୍ତେ ଗୁରୁବାର ବ୍ଲକ କାର୍ଯ୍ୟାଳୟରେ ହୋଇଥିବା ସ୍ବତନ୍ତ୍ର ବୈଠକରେ ଏମ୍ପି ଓ ବିଧାୟକ, ଅଧ୍ୟକ୍ଷା ଓ ଉପାଧ୍ୟକ୍ଷ ଅନୁପସ୍ଥିତ ଥିଲେ। ମୋଟ ୧୨ ସଦସ୍ୟ ଅନାସ୍ଥା ପ୍ରସ୍ତାବ ସପକ୍ଷରେ ଭୋଟ ଦେଇଥିଲେ । ସେମାନଙ୍କ ମଧ୍ୟରେ ୧୨ ଜଣଙ୍କ ମଧ୍ୟରେ ୮ ସରପଞ୍ଚ ଓ ୪ ସମିତିସଭ୍ୟ ଥିଲେ। ଅନାସ୍ଥା ପ୍ରସ୍ତାବ ବୈଠକ ଓ ଗୁପ୍ତ ମତଦାନକୁ ଚକାପାଦ ବିଡିଓ ଅନିଲ କୁମାର ପଟ୍ଟନାୟକ ପ୍ରିଜାଇଡିଂ ଅଫିସର ଭାବେ ଯୋଗଦେଇ ପରିଚାଳନା କରିଥିବା ଜି.ଉଦୟଗିରି ବିଡିଓ ଶାନ୍ତନୁ କୁମାର ନାୟକ କହିଛନ୍ତି। ଅନାସ୍ଥା ବୈଠକର ରିପୋର୍ଟ ଜିଲା ପ୍ରଶାସନ ନିକଟକୁ ପଠାଯିବ ବୋଲି ମାଜିଷ୍ଟ୍ରେଟ ଦାୟିତ୍ୱରେ ଥିବା ଅତିରିକ୍ତ ତହସିଲଦାର ରାକେଶ କୁମାର ପାତ୍ର କହିଛନ୍ତି। ସୂଚନାଯୋଗ୍ୟ, ବିଜେଡି ସମର୍ଥିତ ଅଧ୍ୟକ୍ଷା ଦିପ୍ତୀରେଖାଙ୍କ ବିରୋଧରେ ୧୩ ସଦସ୍ୟ ଅନାସ୍ଥା ପ୍ରସ୍ତାବ ଆଣିଥିଲେ।