ମୁମ୍ବାଇ: ବଡ଼ ପରଦାରେ ବାପା ଶାହରୁଖ ଖାଁଙ୍କ ସହ ନିଜର ପ୍ରଚ୍ଛଦ ସ୍ବର ଦେବାକୁ ଯାଉଛନ୍ତି ପୁଅ ଆର୍ୟନ। ଅନ୍ତରାଷ୍ଟ୍ରୀୟ କମ୍ପାନୀ ଡିଜନୀର ଅପ୍ କମିଂ ଫିଲ୍ମ ‘ଦ ଲାୟନ ଅଫ୍ କିଙ୍ଗ’ର ନୂଆ ସଂସ୍କରଣ ଆସନ୍ତା ମାସ ରିଲିଜ୍ ହେବାକୁ ଯାଉଛି। ଏଥିରେ ଶାହରୁଖ ଓ ଆର୍ୟନ ବାପ ପୁଅ ଚରିତ୍ର ପାଇଁ ବ୍ୟାକ୍ଗ୍ରାଉଣ୍ଡ ଭଏସ୍ ଦେବେ ବୋଲି ଜଣାପଡ଼ିଛି। ଆଉ ଏଥିପାଇଁ ସେମାନେ ରାଜି ମଧ୍ୟ ହୋଇଯାଇଛନ୍ତି। ‘ଦ ଲାୟନ ଅଫ୍ କିଙ୍ଗ’ ପ୍ରଥମ ଥର ୧୯୯୪ରେ ରିଲିଜ୍ ହୋଇଥିଲା। ୨୫ ବର୍ଷ ପୁରା ହେବା ପରେ ଡିଜନୀ ଚଳିତ ଥର ଏହି ଫିଲ୍ମରେ ଆନିମେଶନ୍ର ନୂଆ ଆଧୁନୀକିକରଣର ବ୍ୟବହାର କରିଛି। ଏହି ଫିଲ୍ମରେ ଜଙ୍ଗଲର ରାଜା ମୁଫାସା ଓ ତାଙ୍କର ପୁଅ ସିମ୍ବାକୁ ନେଇ କାହାଣୀଟି ଗତିଶୀଳ ହୋଇଛି। ମୁଫାସା ଚରିତ୍ରରେ ଶାହରୁଖ କଣ୍ଠଦାନ କରୁଥିବା ବେଳେ ସିମ୍ବା ଚରିତ୍ର ପାଇଁ ଆର୍ୟନ କଣ୍ଠଦାନ କରିବେ। ଜନ୍ ଫଓ୍ବେର୍ୟୁଙ୍କ ନିର୍ଦ୍ଦେଶିତ ଏହି ଫିଲ୍ମ ଇଂରାଜୀ, ହିନ୍ଦୀ ସମେତ ତାମିଲ ଓ ତେଲଗୁ ଭାଷାରେ ରିଲିଜ କରାଯିବ।