ଜଗତ୍ସିଂହପୁର ଅଫିସ, ୩ା୭- ସ୍ଥାନୀୟ ବ୍ୟାଙ୍କ ଅଫ ବରୋଦା (ବିଓବି) ଏଟିଏମ୍ରୁ ଚୋରି ପାଇଁ ଉଦ୍ୟମ ହୋଇଥିବା ମଙ୍ଗଳବାର ଜଗତ୍ସିଂହପୁର ଥାନାରେ ଅଭିଯୋଗ ହୋଇଛି। ବିଓବି ଜଗତ୍ସିଂହପୁର ଶାଖା ବରିଷ୍ଠ ପରିଚାଳକ ରୁଦ୍ରପ୍ରତାପ ସାହୁଙ୍କ ଅଭିଯୋଗକ୍ରମେ ପୋଲିସ ମାମଲା ସଂଖ୍ୟା ୨୨୯/୧୯ ରୁଜୁ କରି ତଦନ୍ତ ଜାରି ରଖିଥିବା ଆଇଆଇସି ରଜନୀକାନ୍ତ ମିଶ୍ର ସୂଚନା ଦେଇଛନ୍ତି। ଅଭିଯୋଗ ଅନୁଯାୟୀ ସୋମବାର ରାତି ୨ଟା୩୦ରୁ ୪ଟା ଭିତରେ ଅଭିଯୁକ୍ତମାନେ ଏଟିଏମ୍ରୁ ଚୋରି ପାଇଁ ଉଦ୍ୟମ କରିଥିବା ସିସିଟିଭି ଫୁଟେଜ୍ରୁ ଜଣାଯାଇଛି। ସେମାନେ ଏଟିଏମ୍ ପଛ ଫାଟକ ଭାଙ୍ଗି ଭିତରେ ପଶିଥିଲେ। ପରେ ଏଟିଏମ୍ ଭାଙ୍ଗି ଟଙ୍କା ନେବା ପାଇଁ ଚେଷ୍ଟା କରିଥିଲେ। କିନ୍ତୁ ସଫଳ ହୋଇ ନ ଥିବା କୁହାଯାଉଛି।