ଢେଙ୍କାନାଳ ଅଫିସ, ୨୪ା୬: ଢେଙ୍କାନାଳ ଗ୍ରାମ୍ୟ ବ୍ୟାଙ୍କ ମୁଖ୍ୟ ଶାଖାରୁ ରବିବାର ବିଳମ୍ବିତ ରାତିରେ ଲୁଟ୍ ଉଦ୍ୟମବେଳେ ସାଇରନ୍ ବାଜିବାରୁ ଲୁଟେରାମାନେ ଛାଡ଼ି ପଳାଇଛନ୍ତି। ତାଲା ଭାଙ୍ଗି ଷ୍ଟ୍ରଙ୍ଗ୍ରୁମ୍ ତାଡ଼ି ଖୋଲିବା ପରେ ସାଇରନ ବାଜିବାରୁ ସମ୍ମୁଖରେ ଥିବା ଟାଉନ୍ ପୋଲିସ ଷ୍ଟେସନ ଓ ପାଟ୍ରୋଲିଂ କରୁଥିବା ପୋଲିସ ପହଞ୍ଚିଯିବାରୁ ଲୁଟେରାମାନେ ପଳାଇଥିଲେ। ବ୍ୟାଙ୍କ ଭିତରୁ କଟର, ପେଚକସ ଓ ଅନ୍ୟାନ୍ୟ ସାମଗ୍ରୀ ଜବତ କରିଛି ପୋଲିସ। ସନ୍ଧାନୀ କୁକୁର ସହ ତଦନ୍ତ ଆରମ୍ଭ ହୋଇଛି। ପ୍ରକାଶଥାଉ କି, ୨୦୧୬ ନଭେମ୍ବରରେ ୧ ଏହି ବ୍ୟାଙ୍କରୁ ୧ କୋଟି ୧୮ ଲକ୍ଷ ପୁରୁଣା ନୋଟ୍ ଲୁଟ୍ ହୋଇଥିଲା।