ମୁମ୍ବାଇ୍,୨୭।୭: ବ୍ୟାନର-ପୋଷ୍ଟରରେ ଅଯଥା ଖର୍ଚ୍ଚ ନ କରି ଏହାକୁ ସାମାଜିକ ବିକାଶ କାର୍ଯ୍ୟରେ ବିନିଯୋଗ କରାଯିବା ଆବଶ୍ୟକ ବୋଲି ଶିବସେନା ମୁଖ୍ୟ ଉଦ୍ଧବ ଠାକ୍ରେ ଶନିବାର କହିଛନ୍ତି। ନିଜର ୫୯ ତମ ଜନ୍ମ ଦିବସ ପାଳନ ଅବସରରେ ସେ ସମବେତ ଦଳୀୟକର୍ମୀଙ୍କୁ ଏଭଳି ପରାମର୍ଶ ଦେଇଛନ୍ତି। ତାଙ୍କ ବାସଭବନ ମାତୋଶ୍ରୀରେ ବିରୋଧୀ ଦଳ ନେତାଙ୍କ ସମେତ ଦଳୀୟକର୍ମୀ ଅଭିନନ୍ଦନ ଜଣାଇବାକୁ ଆସିଥିଲେ। ଏହି ଅବସରେ ଉଦ୍ଧବ ସାମାଜିକ ବିକାଶ କାର୍ଯ୍ୟ ଉପରେ ଗୁରୁତ୍ୱାରୋପ କରିଛନ୍ତି। ଉଦ୍ଧବ ୧୯୬୦ ଜୁଲାଇ ୨୭ରେ ମୁମ୍ବାଇଠାରେ ଜନ୍ମଗ୍ରହଣ କରିଥିଲେ। ତାଙ୍କ ପ୍ରକୃତ ନାମ ଉଦ୍ଧବ ବାଲ୍ କେଶବ ଠାକ୍ରେ ଥିଲା।