କେନ୍ଦୁଝର,୨୩।୬(ସ୍ବ.ପ୍ର.): ବ୍ୟାରିକେଟ୍ ମଧ୍ୟରେ ବିଶ୍ୱର ସର୍ବୋଚ୍ଚ ଅର୍ଥାତ କେନ୍ଦୁଝରର ଆରାଧ୍ୟ ପ୍ରଭୁ ଶ୍ରୀ ବଳଦେବ ଜୀଉଙ୍କ ରଥ। ପ୍ରତିବର୍ଷ ରଥଯାତ୍ରାରେ ହଜାର ହଜାର ଭକ୍ତଙ୍କ ସମାଗମ ହୋଇ ଚଳଚଞ୍ଚଳ ହୋଇ ଉଠୁଥିବା ବଡ଼ ଦାଣ୍ଡ, ବଡ଼ ଦେଉଳ ପରିସର ମଙ୍ଗଳବାର ଖାଁ ଖାଁ ଲାଗୁଛି। ରଥ ଓ ବଡ଼ଦାଣ୍ଡ ଚାରିପଟେ ବ୍ୟାରିକେଟ୍ ଦିଆଯାଇଛି। ପୋଲିସ ପହରା ଦେଉଥିବା ବେଳେ ବଡ଼ଦାଣ୍ଡ ଓ ରଥ ନିକଟକୁ ଯାତାୟାତ ଉପରେ କଟକଣା କରାଯାଇଛି। ୫ ପ୍ଲାଟୁନ ପୋଲିସ ଫୋର୍ସ ମନ୍ଦିର ଓ ରଥ ନିକଟରେ ମୁତୟନ ହୋଇଥିବା ଟାଉନ ଥାନା ଇନଚାର୍ଜ ଅମିତ ଭୂୟାଁ କହିଛନ୍ତି। ଜିଲାପାଳ ଆଶୀଷ ଥାକରେ ଓ ଏସ୍ପି ମିତ୍ରଭାନୁ ମହାପାତ୍ର, ଉପଜିଲାପାଳ ରାମଚନ୍ଦ୍ର କିସ୍କୁ, ଏସ୍ପିଓ ପି.ଜେ. ଟପ୍ପୋ, ଦୁଇ ଦିନ ହେବ ଘଟଣାସ୍ଥଳରେ ରହି ସମସ୍ତ ପରିସ୍ଥିତି ନୀରିକ୍ଷଣ କରିଛନ୍ତି।