ଗୋପାଳପୁର,୧୩।୬- ବିଜୁ କନ୍ୟାରନତ୍ ଯୋଜନାରେ ମୋ ଗେହ୍ଲା ଝିଅ କାର୍ଯ୍ୟକ୍ରମ ଗୁରୁବାର ରଙ୍ଗେଇଲୁଣ୍ଡା ବ୍ଲକ ମନ୍ତ୍ରିଡ଼ି ପଞ୍ଚାୟତ ବୟାଳି ଗ୍ରାମରେ ଅନୁଷ୍ଠିତ ହୋଇଯାଇଛି। ପୂର୍ବାହ୍ନରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ରଙ୍ଗେଇଲୁଣ୍ଡା ସିଡିପିଓ ଜ୍ୟୋତ୍ସ୍ନା ପାଢ଼ୀ ଯୋଗ ଦେଇଥିଲେ। ସଦ୍ୟଜନ୍ମିତ କନ୍ୟାଙ୍କ ଘରେ ପହଞ୍ଚତ୍ ତାଙ୍କ ମା’ କସ୍ତୁରୀ ଦାସଙ୍କୁ ମିଷ୍ଟାନ୍ନ, ପୋଷାକ ଓ ପୁଷ୍ପଗୁଚ୍ଛ ଦେଇ ଶୁଭେଚ୍ଛା ଜଣାଇଥିଲେ। ଏଥିସହ ଗଞ୍ଜାମ ଜିଲା ପ୍ରଶାସନ ପକ୍ଷରୁ ପ୍ରଦତ୍ତ ପ୍ରଶଂସାପତ୍ର ପ୍ରଦାନ ସହ କେକ୍ ମଧ୍ୟ କଟା ଯାଇଥିଲା। ପୁଅ-ଝିଅ ମଧ୍ୟରେ ଭେଦଭାବ ନ ରଖି ସମାନତା ରକ୍ଷା କରି କନ୍ୟାସନ୍ତାନଙ୍କ ଯନତ୍ ନେବାକୁ ସିଡିପିଓ ପାଢ଼ୀ କହିଥିଲେ। ଏଥିସହ କନ୍ୟାଭ୍ରୂଣ ହତ୍ୟା ରୋକିବା ସହ ଶିଶୁକନ୍ୟା ଏକ ରନତ୍ ବୋଲି ସୁପରଭାଇଜର ଗୀତାରାଣୀ ରାଉଳ ସୂଚନା ଦେଇଥିଲେ। ଏହି ଅବସରରେ ଶାନ୍ତିଲତା ଶତପଥୀ, କେ. ଅନୀତା, ମମତା ମହାନ୍ତି, ଭାଗ୍ୟଲତା ପାତ୍ର, ସଞ୍ଜୁଲତା ପାଣିଗ୍ରାହୀ ଓ ଅଙ୍ଗନୱାଡ଼ି କର୍ମୀ, ସ୍ଥାନୀୟ ଗ୍ରାମବାସୀ ଉପସ୍ଥିତ ଥିଲେ। ଏହି ଅବସରରେ ଗ୍ରାମରେ ଏକ ସଚେତନତା ରାଲି ଅନୁଷ୍ଠିତ ହୋଇଥିଲା। ଆଗାମୀ ଦିନରେ ଏଭଳି କାର୍ଯ୍ୟକ୍ରମ ବିଭିନ୍ନ ପଞ୍ଚାୟତରେ ଅନୁଷ୍ଠିତ ହେବ ବୋଲି ସିଡିପିଓ କହିଥିଲେ।