ବୁଗୁଡ଼ା,୭ା୩(ଡି.ଏନ.ଏ.): ବୁଗୁଡ଼ା ଥାନା ଭଗବାନପୁର ଗ୍ରାମରେ ଶୁକ୍ରବାର ମଧ୍ୟରାତିରେ ଅଗ୍ନିକାଣ୍ଡ ଘଟି ୮ ପରିବାରଙ୍କ ୧୦ ବଖରା ଜଳିଯାଇଛି। ଏଥିରେ କେହି ଆହତ ହୋଇ ନଥିବା ବେଳେ ଘରେ ଥିବା ଧାନ, ଚାଉଳ ଓ ବିଭିନ୍ନ ଆସବାବପତ୍ର ଆଦି ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ଯାଇଥିଲା। ଖବର ପାଇ ବୁଗୁଡ଼ା ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚତ୍ ନିଆଁ ଲିଭାଇଥିଲେ। ପ୍ରକାଶ ଯେ, ଉକ୍ତ ଗ୍ରାମର ବାରିପଟେ ଏକ ଅଳିଆ ଗଦାରେ ଲାଗିଥିବା ନିଆଁ କୌଣସି କାରଣରୁ ଲୋକେ ଶୋଇଥିବା ଅବସ୍ଥାରେ ଚାଳଘରେ ଲାଗିଯାଇଥିଲା। ଫଳରେ ଗ୍ରାମର ସନ୍ୟାସୀ ନାୟକ ଓ ସୁରୀ ନାୟକଙ୍କ ୨ ବଖରା ଲେଖାଏ ପୋଡ଼ିଥିବା ବେଳେ ରବୀନ୍ଦ୍ର ନାୟକ, ଜୟ ନାୟକ, ଗୋପାଳ ନାୟକ, ଅନୁସୂୟା ନାୟକ, ବାଞ୍ଛା ଗୌଡ଼, ଖଦାଳ ଗୌଡ଼ଙ୍କର ଗୋଟିଏ ଲେଖାଏ ଘର ପୋଡ଼ି ଯାଇଥିଲା। ଶନିବାର ତହସିଲ ପ୍ରଶାସନ ପକ୍ଷରୁ କ୍ଷତିଗ୍ରସ୍ତ ପରିବାରକୁ ପାଲ ଦିଆଯାଇଥିବା ବେଳେ ଅନ୍ୟାନ୍ୟ ସରକାରୀ ସାହାଯ୍ୟ ଯୋଗାଇବା ପାଇଁ ଗ୍ରାମବାସୀ ଦାବି କରିଛନ୍ତି।