କୋମନା, ୨୧ା୮ (ଡି.ଏନ୍.ଏ.): ନୂଆପଡ଼ା ଜିଲା କୋମନା ବ୍ଲକ ଅଧୀନ କାଣ୍ଡେତରା ଗଁାର ବୁରୁଧ୍ ଅର୍ଜୁନ ରଣା(୭୦)। ଆଏଜ୍କେ ପାଖାପାଖି ୧୦ ବଛର ହେଲା ସେ ପଁଚେତ୍ନୁ ମୂଲ କରି ବ୍ଲକ ତକ୍ ଭତାର ଲାଗି ଆବେଦନ କରି ନିରାଶ ହେଇଥିବାର ଅଭିଯୋଗ କରିଛନ୍। ଇ ବାବ୍ଦେ କୋମନା ଗୋଷ୍ଠୀ ସାମାଜିକ ସୁରକ୍ଷା ଅଧ୍କାରୀ ମିଥୁନ କୁମାର ତାଣ୍ଡିକୁଁ ପଚରାଲାରୁ ମୁଇଁ ନୂଅଁାକରି ଦାଇତିଅ ନେଇଛେଁ, ଇ ବାବ୍ଦେ ମୋର ପାସେ କିଛି ସୂଚନା ନଁାଇଁନ ବଲି ସେ କହିଥିଲେ। ହେଲେ ବୁରୁଧ୍ ଅର୍ଜୁନକଁର ଉପରେ ଥାନୀୟ ବ୍ଲକ ପରଶାସନ ଦୁରୁଷ୍ଟି ଦେଇ ଯେତେ ଜଲ୍ଦି ହେବା ଭତା ଯୁଗେଇ ଦେବାକେ ବୁଧିଜୀବୀ ମହଲରେ ଦାବି ହେଉଛେ।