ଅତାବିରା, ୮।୧୧ (ଡି.ଏନ୍.ଏ.)-ବରଗଡ ଜିଲା ଭେଡେନ ବ୍ଲକ ଦେଶଭଟିଲି ପଁଚେତ୍ ଉଦେପୁର ଛକ ପାସର ବିଧବା ବୁରୁଧ୍ ହେମ ଦନ୍ତା(୮୦)। ପରିବାର କହେଲେ ପୁଓ ଲୋକନାଥ, ଝି’ ବୈଦେହୀ, ଗୋଦାବରୀ, ବହ ସୁଜାତା ଆର ନାତେନକେ ନେଇ ତାକର ସଁସାର। ହେମକଁର ବଏସ୍ ଅଧ୍କା ହେବାର ଲାଗି ଫିଦିନିଅଁା କାମ୍କେ ଛାଡ଼ି ଅଲଗା କାମ୍ବୁତା କରି ନାଇଁପାରବାର। ଏନ୍ତାଥି ସେ ବାରବାର ବୁଢ଼ାବୁଢ଼ି ଭତାର ଲାଗି ଆବେଦନ କରି ନିରାଶ ହେଇଥିବାର ଅଭିଯୋଗ କରିଛନ୍। ଇ ବିଧବା ବୁରୁଧ୍କୁଁ ଯେତେ ଜଲଦି ହେବା ଭତା ଯୁଗେଇ ଦେବାକେ ସାଧାରନରେ ଦାବି ହେଉଛେ। ଇ ବାବ୍ଦେ ଭେଡ଼େନ ବିଡିଓ ମୁରଲୀଧର ନାୟକକୁଁ ପଚରାଲାରୁ ଦରକାରୀ କାଗଜପତର ଦେଲେ ଯେତେ ଜଲଦି ହେବା ତାହାକୁଁ ଭତା ଯୁଗେଇ ଦେବାର ବେବସ୍ତା କରାଯିବା ବଲି ସେ କହିଥିଲେ।