ବମ୍ବେ: ଭାରତୀୟ କ୍ରିକେଟରଙ୍କ ‘ଫିମେଲ୍ ଭର୍ସନ’ ସୋସିଆଲ ମିଡିଆରେ ଭାଇରାଲ ହେବା ପରେ ଏବେ ବଲିଉଡ୍ ଅଭିନେତ୍ରୀଙ୍କ ପୁରୁଷ ରୂପ ଚର୍ଚ୍ଚାରେ। ଦୀପିକା ପାଦ୍ୟୁକୋନ୍ଠାରୁ ଆରମ୍ଭ କରି ସୋନମ କପୁର, କଙ୍ଗନା ରାଣାଓ୍ବତଙ୍କ ପୁରୁଷ ରୂପର ଫଟୋ ଏବେ ଭାଇରାଲ ହେବାରେ ଲାଗିଛି। ଛୋଟ ଚୁଟି ସାଙ୍ଗକୁ ଦାଢ଼ି, ନିଶ ଥାଇ ଅଭିନେତ୍ରୀମାନଙ୍କୁ ଦେଖିବାକୁ ମିଳୁଛି। ଫଟୋଗୁଡ଼ିକୁ ଦେଖି ଲୋକମାନେ ଘଡିଏ ଅଟକି ଯାଉଛନ୍ତି। ଫେସବୁକ୍ରେ ଶକ୍ତ ଲୋଣ୍ଡା ନାମରେ ଜଣେ ବ୍ୟବହାରକାରୀ ଫଟୋଗୁଡ଼ିକୁ ପୋଷ୍ଟ କରିଛନ୍ତି। ପୂର୍ବରୁ ଅଭିନେତ୍ରୀମାନଙ୍କ ବୃଦ୍ଧାବସ୍ଥାର ଫଟୋ ଭାଇରାଲ ହୋଇଥିଲା। ସେମାନେ ନିଜେ ଏହାକୁ ନିଜର ସୋସିଆଲ ପୃଷ୍ଠାରେ କରିଥିଲେ ଶେୟାର। ଏବେ ପ୍ରିୟଙ୍କା ଚୋପ୍ରା, ଆଲିଆ ଭଟ୍ଟ, ଶ୍ରଦ୍ଧା କପୁର, ପ୍ରାଚୀ ଦେଶାଇ, ତାପସୀ ପନ୍ନୁ, ୟାମୀ ଗୌତମ, ଅନନ୍ୟା ପାଣ୍ଡେ, ପରିଣିତି ଚୋପ୍ରା, ଭୂମି ପେଡନେକର, ଉର୍ବଶୀ ରୌତେଲା ଆଦି ଅଭିନେତ୍ରୀଙ୍କ ପୁରୁଷ ରୂପ ଭାଇରାଲ ହେଉଛି।