ସାଧାରଣତଃ ଜେସିବି ମେଶିନ୍ ବହୁତ ଓଜନିଆ ହୋଇଥାଏ। ବଡ ବଡ କୋଠା ଭାଙ୍ଗିବା, ରାସ୍ତା ଖୋଳିବା ଭଳି କାର୍ଯ୍ୟରେ ଏହି ମେଶିନ୍ ବ୍ୟବହୃତ ହୋଇଥାଏ। ଭାରତୀୟ କ୍ରିକେଟର ବୀରେନ୍ଦ୍ର ସେହ୍ବାଗ ଜେସିବି ମେଶିନ୍ ସହ ଜଡିତ ଏକ ଭିଡିଓ ଟୁଇଟର୍ରେ ଶେୟାର କରଛନ୍ତି। ଏହି ଭିଡିଓଟିରେ ଜଣେ ୫ ବର୍ଷର ଶିଶୁ ଜେସିବି ଚଲାଉଥିବା ନଜର ଆସିଛନ୍ତି। ଭିଡିଓଟି ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି। ମାତ୍ର ୩ ଘଣ୍ଟାରେ ଭିଡିଓକୁ ୧ ଲକ୍ଷରୁ ଅଧିକ ଲୋକ ଦେଖିସାରିଥିବାବେଳେ ୧୦ ହଜାରୁ ଅଧିକ ଲାଇକ୍ ଏବଂ ୨ ହଜାରରୁ ଅଧିକ ରିଟୁଇଟ୍ ହୋଇସାରିଲାଣି। ଭିଡିଓରେ ଜଣେ ବ୍ୟକ୍ତି ଶିଶୁଟିକୁ କିଛି ପ୍ରଶ୍ନ ପଚାରୁଛନ୍ତି। ତୁମେ କୋଉ କ୍ଲାସରେ ପଢୁଛ, ତୁମେ ଏହି ଜେସିବି ମେଶିନ୍ ଚଲାଇପାରିବ? ଶିଶୁଟି ହଁ କହୁଛନ୍ତି। ପରେ ବ୍ୟକ୍ତି ଜଣଙ୍କ ତାଙ୍କୁ ଚଲାିବାକୁ କହୁଛନ୍ତି। ପିଲାଟି ତୁରନ୍ତ ଜେସିବି ଉପରେ ଚଢି ଷ୍ଟାର୍ଡ ମାରିଥିଲେ। ପରେ କ୍ଷେତରେ ମାଟି ମଧ୍ୟ ଖୋଳିଥିଲେ।
