କେନ୍ଦୁଝର, ୨୬।୪(ସ୍ବ.ପ୍ର.)-ପବିତ୍ର ଅକ୍ଷୟ ତୃତୀୟା ଅବସରରେ ରବିବାର ଭାଜପା କୃଷକ ମୋର୍ଚ୍ଚା ତରଫରୁ ଆନନ୍ଦପୁର ମ୍ୟୁନିସିପାଲିଟି ଅନ୍ତର୍ଗତ ପଦ୍ମପୁର ଗ୍ରାମଠାରେ ଅକ୍ଷିମୁଠି ଅନୁକୂଳ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରବିବାର ସକାଳ ୮ଟାରେ ପଦ୍ମପୁର ଗ୍ରାମରେ ପ୍ରଥମେ ଯଜ୍ଞ, ହୋମ ସହିତ ଭୂମି ପୂଜା କରାଯାଇଥିଲା। ଏଥିରେ ପୂଜକ ନାକୁ ପଣ୍ଡା ପୂଜା କାଯ୍ୟ କରିଥିଲେ। ସଫଳ ଚାଷୀ ତଥା ଭାଜପାର ବରିଷ୍ଠ ନେତା ପରିଆ ସାହୁ ସଙ୍କଳ୍ପରେ ବସି ପୂଜାରେ ସହଯୋଗ କରିଥିଲେ। ପୂଜା ହୋମ ଯଜ୍ଞ ସରିବା ପରେ ଭାଜପା କୃଷକ ମୋର୍ଚ୍ଚା ରାଷ୍ଟ୍ରୀୟ ଉପ ସଭାପତି ମହେଶ୍ୱର ସାହୁ ଧାନ ବୁଣି ଥିଲେ ଓ ହଳ କାର୍ଯ୍ୟ ପ୍ରାରମ୍ଭ କରିଥିଲେ। ଏହି କାର୍ଯ୍ୟକ୍ରମରେ ଆନନ୍ଦପୁର ଭାଜପା ନଗର ମଣ୍ଡଳ ସଭାପତି ପ୍ରଶାନ୍ତ କୁମାର ମହାପାତ୍ର, ବାଇଧର ସାହୁ, ଲକ୍ଷ୍ମୀଧର ସାହୁ, ରାହାସ ବିହାରୀ ସାହୁ, ସନ୍ନ୍ୟାସୀ ପାତ୍ର, ରାଜୁ ସାହୁ, ସତ୍ୟପ୍ରକାଶ ସାହୁ ପ୍ରମୁଖଙ୍କ ସମେତ ବହୁ ନେତୃବୃନ୍ଦ ଓ କାର୍ଯ୍ୟକର୍ତ୍ତା ଯୋଗଦାନ କରିଥିଲେ।