ଛେଣ୍ଡିପଦା,୯।୬(ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବ୍ଲକ ବରସାହି ପଞ୍ଚାୟତର ଭାଜପା କର୍ମକର୍ତ୍ତା ଚୟନ ଓ ସାଙ୍ଗଠନିକ ସଭା ରବିବାର ବଡବନ୍ଧ ଆମ୍ବତୋଟାଠାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଭାଜପା ବରିଷ୍ଠ କର୍ମୀ ବୀରବର ବେହେରାଙ୍କ ସଭାପତିତ୍ୱରେ ଏହି ଚୟନ ହୋଇଛି। ପଞ୍ଚାୟତର ସଭାପତି ଇନ୍ଦ୍ରମଣି ସାହୁ, ଉପ ସଭାପତି ପ୍ରକାଶ ଚନ୍ଦ୍ର ମାଝୀ, ଶ୍ରବଣ ଗଡନାୟକ ସମ୍ପାଦକ, ନିରଞ୍ଜନ ବେହେରା ସହସମ୍ପାଦକ ଓ ଉପଦେଷ୍ଟା ଭାବେ ବୀରବର ବାରିକଙ୍କୁ ମନୋନୀତ କରାଯାଇଛି। ମନୋନୀତ କର୍ମକର୍ତ୍ତା ମାନେ ଭାଜପାର ସାଙ୍ଗଠନିକ କାର୍ଯ୍ୟକୁ ସୁଦୃଢ଼ କରିବା ସହିତ ଜନସାଧାରଣଙ୍କ ସୁଖଦୁଃଖର ସାଥୀ ହୋଇ ସେବା କରିବା ପାଇଁ କହିଛନ୍ତି । ଏହି କର୍ମକର୍ତ୍ତା ଚୟନରେ ୨୦୦ରୁ ଊଦ୍ଧର୍ବ କର୍ମୀ ଯୋଗଦେଇଥିଲେ।