ଜଳନ୍ଧର, ୨୯।୫: ସାଧାରଣ ନିର୍ବାଚନରେ ନରେନ୍ଦ୍ର ମୋଦିଙ୍କ ନେତୃତ୍ୱଧୀନ ଭାଜପା ଜବରଦସ୍ତ ସଫଳତା ହାସଲ କରିବା ଏବେ ସାରା ଦେଶରରେ ତାଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି। ମୋଦି ଏବଂ ଅମିତ ଶାହଙ୍କ ଷ୍ଟ୍ରାଟେଜିକୁ ଉଦାହରଣ ଭାବେ ନେବା ପାଇଁ ଅନ୍ୟ ଦଳର ନେତାମାନେ ନିଜ କାର୍ଯ୍ୟକର୍ତ୍ତାଙ୍କୁ ପରାମର୍ଶ ଦେଇଛନ୍ତି। ଏହି କ୍ରମରେ ପଞ୍ଜାବରେ ଭାଜପାର ସହଯୋଗୀ ଶିରୋମଣି ଅକାଳୀ ଦଳର ନେତା ସୁଖବୀର ସିଂ ବାଦଲ ଭାଜପା ସଂଗଠନକୁ ପ୍ରଶଂସା କରିଛନ୍ତି। ନିର୍ବାଚନ ପରେ ଦଳ ପକ୍ଷରୁ ଆୟୋଜିତ ଏକ ବୈଠକରେ ସୁଖବୀର କହିଛନ୍ତି, ମୋଦି ଉପସ୍ଥିତ ଥାନ୍ତୁ କି ନ ଥାନ୍ତୁ ତାଙ୍କ କାର୍ଯ୍ୟକର୍ତ୍ତାମାନେ ପ୍ରତି ବୁଥରେ ମୋଦି, ମୋଦି ନାରା ଦେଉଛନ୍ତି। କିନ୍ତୁ ଆପଣମାନେ କେବେ ମୋ ପାଇଁ କେବେ ଏମିତି ନାରା ଲଗାଇଛନ୍ତି କି ବୋଲି କାର୍ଯ୍ୟକର୍ତ୍ତାଙ୍କୁ ପ୍ରଶ୍ନ କରିଛନ୍ତି ସୁଖବୀର। ଏହାଶୁଣି ଆକଳୀ ଦଳର ଜଣେ ନେତା ଉଠି ‘ସୁଖବୀର ସିଂହ ବାଦ ଜିନ୍ଦାବାଦ୍’ ନାରା ଲଗାଇଥିଲେ।