ଇନ୍ଦୋର,୫।୧: ଭାରତୀୟ ଜନତା ପାର୍ଟି(ଭାଜପା)ର ବରିଷ୍ଠ ନେତା କୈଳାସ ବିଜୟଭର୍ଗିୟଙ୍କ ସମେତ ୩୫୦ ଜଣଙ୍କ ନାଁରେ ମାମଲା ରୁଜୁ କରାଯାଇଛି। ସୟୋଗୀତାଗଞ୍ଜ ପୋଲିସ ଷ୍ଟେଶନରେ ଏମାନଙ୍କ ନାଁରେ ୧୪୪ ଧାରା ଉଲ୍ଲଂଘନ ଅଭିଯୋଗରେ ମାମଲା ରୁଜୁ କରାଯାଇଛି। ଡିଭିଜନାଲ କମିଶନର ଆକାଶ ତ୍ରିପାଠୀଙ୍କ ଘର ସାମ୍ନାରେ ଏମାନେ ବିରୋଧ ପ୍ରଦର୍ଶନ କରିଥିବା ଅଭିଯୋଗ ରହିଛି। ଏହାକୁ ନେଇ କଂଗ୍ରେସ କହିଛି ବିଜୟଭର୍ଗିୟ ରାଜ୍ୟରେ ଅଶାନ୍ତ ବାତାବରଣ ସୃଷ୍ଟି କରିବାକୁ ଚାହୁଁଛନ୍ତି। ଏହାପରେ ବି କଂଗ୍ରେସ କର୍ମୀମାନେ ଶନିବାର ଇନ୍ଦୋରରେ ଦିଆସିଲି ବାଣ୍ଟିଥିବା ବିଶେଷ ସୂତ୍ରରୁ ଜଣାପଡିଛି। ଏହି ଦିଆସିଲିରେ ବିଜୟଭର୍ଗିୟଙ୍କ ଫଟୋ ଲାଗିଥିବା ଓ ଏହା ସହରର ନିଆଁ ଲଗାଇବା କାମରେ ଲାଗିବ ବୋଲି କୁହାଯାଇଛି। ଏବେ ଏହାକୁ ନେଇ ରାଜନୀତି ଆରମ୍ଭ ହୋଇଗଲାଣି।