ବଅଁରପାଳ,୨୪।୭(ଡି.ଏନ୍.ଏ.): ମୃତଦେହ ବ୍ୟବଚ୍ଛେଦ, ସଂରକ୍ଷଣ ଗୃହରୁ ୨ ମୃତଦେହରୁ ଆଖି ଗାଏବ, ନାବାଳିକାଙ୍କୁ ବଳାତ୍କାର ଓ ଅନୁଗୋଳ ସହରରେ ଆବର୍ଜନା ଭର୍ତ୍ତି ହେବା ଆଦି ଘଟଣାକୁ ନେଇ ବୁଧବାର ଭାଜପା କର୍ମୀଙ୍କ ପକ୍ଷରୁ ୧୨ ଘଣ୍ଟିଆ ଅନୁଗୋଳ ବନ୍ଦ ପାଳନ ଜାରି ରହିଛି। ଏହାର ପ୍ରଭାବ ବଅଁରପାଳଠାରେ ମଧ୍ୟ ଦେଖିବାକୁ ମିଳିଛି। ଭାଜପା କର୍ମୀମାନେ ବଅଁରପାଳ ନିକଟ ୫୫ ନଂ. ଜାତୀୟ ରାଜପଥ ଅବରୋଧ କରିବା ଫଳରେ ଯାନବାହନ ଚଳାଚଳ ଠପ୍ ହୋଇଛି। ଏହା ସହ ସରକାରୀ କାର୍ଯ୍ୟାଳୟ, ଦୋକାନ ବଜାର ବନ୍ଦ ରହିଛି। ଏଥିରେ ଯୁବନେତା ଦିବ୍ୟରଞ୍ଜନ ସାମଲ, କିଟୁ ପଣ୍ଡା, ନନ୍ଦକିଶୋର ନାୟକ, ରାଜେନ୍ଦ୍ର ପ୍ରଧାନ ଓ ସୁଶୀଲ ମାଝି ପ୍ରମୁଖ ଉପସ୍ଥିତ ଥିଲେ।