ନୂଆଦିଲ୍ଲୀ,୧୩।୮: ସିକ୍କିମ ଡେମୋକ୍ରାଟିକ ଫ୍ରଣ୍ଟ(ଏସ୍ଡିଏଫ୍)ର ୧୦ ଜଣ ବିଧାୟକ ମଙ୍ଗଳବାର ଭାଜପାରେ ଯୋଗ ଦେଇଛନ୍ତି। ନୂଆଦିଲ୍ଲୀରେ ଥିବା ଦଳର ମୁଖ୍ୟ କାର୍ଯ୍ୟାଳୟରେ ଭାଜପାର କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡା ଓ ସାଧାରଣ ସଚିବ ରାମ ମାଧବଙ୍କ ଉପସ୍ଥିତିରେ ଏମାନେ ଭାଜପାରେ ଯୋଗ ଦେଇଛନ୍ତି। ସୂଚନାଯୋଗ୍ୟ, ଏମାନେ ମାଧବଙ୍କ ସହ କିଛିଦିନ ତଳେ ସାକ୍ଷାତ୍ କରିଥିବା ବେଳେ ମଙ୍ଗଳବାର ଦଳ ଛାଡି ଭାଜପା ହାତ ଧରିଛନ୍ତି। ଏସ୍ଡିଏଫ୍ ଏକ ଆଞ୍ଚଳିକ ଦଳ ହୋଇଥିବା ବେଳେ ୧୯୯୩ରେ ଚାମଲିଙ୍ଗଙ୍କ ଦ୍ୱାରା ପ୍ରତିଷ୍ଠା କରାଯାଇଥିଲା।