କୋମନା,୧୧।୯(ଡି.ଏନ.ଏ.)-ନୂଆପଡା ଜିଲା କୋମନା ବ୍ଲକ ଭେଲାସ୍ଥିତ ହାଇସ୍କୁଲ ମିନି ଷ୍ଟାଡିୟମରେ ଭେଲା ଫୁଟବଲ ଆସୋସିଏଶନ ପକ୍ଷରୁ ଚାଲିଥିବା ପ୍ରଥମ ଭାନୁପ୍ରତାପ ଯୋଷୀ ସ୍ମାରକୀ ଫୁଟବଲ ଟୁର୍ନାମେଣ୍ଟର ମଙ୍ଗଳବାର ଦ୍ୱିତୀୟ ମ୍ୟାଚରେ ଉଦ୍ୟାନବନ୍ଧ ବାରିକ ଚ୍ୟାଲେଞ୍ଜର ବିଜୟୀ ହୋଇଛି। ମଙ୍ଗଳବାର ପୁଲ ଏ’ର ମ୍ୟାଚରେ ବାରିକ ଚ୍ୟାଲେଞ୍ଜର ଉଦ୍ୟାନବନ୍ଧ ଓ ଖଇରା (ବୋଡେନ) ମଧ୍ୟରେ ଅନୁଷ୍ଠିତ ହୋଇଥିଲା। ମ୍ୟାଚରେ ନିର୍ଦ୍ଧାରିତ ସମୟରେ ବାରିକ ଚ୍ୟାଲେଞ୍ଜର ଦଳ ଖଇରା ଦଳକୁ ୭ ଗୋଲ ଦେଇଥିଲା। ଖଇରା ଦଳ କେବଳ ୨ ଗୋଲ ଦେବାକୁ ସକ୍ଷମ ହୋଇଥିଲା। ଫଳରେ ବାରିକ ଚ୍ୟାଲେଞ୍ଜର ୭-୨ ଗୋଲରେ ଖଇରାଠାରୁ ଏକ ତରଫା ଭାବେ ଏହି ମ୍ୟାଚକୁ ବିଜୟ ଲାଭ କରିଛି। ଏହି ଅବସରରେ ମୁଖ୍ୟ ଅତିଥି ଭାବେ ନୂଆପଡା ଜିଲା ପରିଷଦ ଅଧ୍ୟକ୍ଷା ନମିତା ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ଉଭୟ ଦଳର ଖେଳାଳିମାନଙ୍କୁ ଉତ୍ସାହିତ କରିଥିଲେ। ସମ୍ମାନିତ ଅତିଥି ଭାବେ ଭିଏଡବ୍ଲ୍ୟୁ ଜଗନ୍ନାଥ ସୁନା, ସାମାଜିକ କର୍ମୀ ଦୁଲୁ ସୁପକାର, ଲକ୍ଷଣ ଦଣ୍ଡସେନା, ସୁନାଲାଲ ଦଣ୍ଡସେନା, ଲିଟୁ ମହାନ୍ତି, ପିଇଓ ମୋହନ ଚନ୍ଦନ ପ୍ରମୁଖ ଯୋଗଦେଇଥିଲେ। ବଳରାମ ସରାଫ, ଗୁଡୁ ମାଝି ଓ ବନ ସାହୁ ଏବଂ ତ୍ରିନାଥ କୁମ୍ଭାର ଖେଳ ପରିଚାଳନା କରିଥିବା ବେଳେ ଅମନ ଛତ୍ରିଆ ଓ ମୁକେଶ ଯୋଷୀ ଧାରା ବିବରଣୀ ପ୍ରଦାନ କରିଥିଲେ। ଆୟୋଜକ କମିଟି ସଦସ୍ୟ କ୍ଷୁଦ୍ରଦେବ ଶବର, ହେତୁରାମ ଶବର, ସାଗର ଶବର, ଲିଟୁ ସେଠୀ, ଆଶିଶ ଶବର, ପରେଶ ଶବର, ରାହୁଲ ଶବର ପ୍ରମୁଖ ସହଯୋଗ କରିଥିଲେ।