ଇସ୍ଲାମାବାଦ,୧୩।୯: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ଭାରତ ବିରୋଧରେ ପୁଣି ସ୍ବର ଉଠାଇଛନ୍ତି। ଏଥର ସେ ଭାରତକୁ ଯୁଦ୍ଧ ଧମକ ଦେଇଛନ୍ତି। ଶୁକ୍ରବାର ସେ ପାକ୍ ଅଧିକୃତ କଶ୍ମୀର(ପିଓକେ)ର ମୁଜ୍ଜଫରାବାଦରେ ଏକ ରାଲିକୁ ସମ୍ବୋଧନ ଦେବା ଅବସରରେ ପୁଣିଥରେ ଭାରତ ବିରୋଧରେ ଲୋକଙ୍କୁ ଉସକାଇଛନ୍ତି। ସେ କହିଛନ୍ତି ଭାରତ ଯାହା କରୁଛି ତାହା କେବଳ ଲୋକଙ୍କୁ ବିପଦ ଭିତରକୁ ଠେଲି ଦେବା ଭଳି କାମ କରୁଛି। ବନ୍ଧୁକ ଉଠାଇବାକୁ ସେ ବାଧ୍ୟ କରୁଛି। ତେଣୁ ଏବେ ଯଦି ଭାରତ କୌଣସି ପଦକ୍ଷେପ ନିଏ ତେବେ ଯୁଦ୍ଧ ହେବ ବୋଲି ସେ ଧମକ ଦେଇଛନ୍ତି। ସେ ଉକ୍ତ ରାଲିରେ ଲୋକଙ୍କୁ କହିଛନ୍ତି ଯେବେ ମୁଁ କହିବି ତେବେ ତୁମେମାନେ କଶ୍ମୀରରେ ପ୍ରବେଶ କରିବ। ସୂଚନାଯୋଗ୍ୟ, ଜମ୍ମୁ-କଶ୍ମୀର ପ୍ରସଙ୍ଗକୁ ନେଇ ଇମ୍ରାନ ସର୍ବଦା ଲୋକଙ୍କୁ ଭାରତ ବିରୋଧରେ କାର୍ଯ୍ୟ କରିବାକୁ ଉସକାଉଛନ୍ତି।
