ଓ୍ବାଶିଂଟନ,୧୫।୮: ଭାରତ ଗୁରୁବାର ୭୩ତମ ସ୍ବାଧୀନତା ଦିବସ ଆନନ୍ଦ ଉଲ୍ଲାସର ସହ ପାଳନ କରୁଥିବା ବେଳେ ଏହି ଅବସରରେ ଭାରତର ମିତ୍ର ରାଷ୍ଟ୍ର ଆମେରିକା ମଧ୍ୟ ଭାରତକୁ ସ୍ବାଧୀନତା ଦିବସର ଶୁଭେଚ୍ଛା ଜଣାଇଛି। ଆମେରିକାର ରାଜ୍ୟ ସଚିବ ମିଖାଇଲ ପୋମ୍ପେଓ ଏକ ବାର୍ତ୍ତାରେ କହିଛନ୍ତି ଆମେରିକା ସରକାରଙ୍କ ପକ୍ଷରୁ ଭାରତର ସ୍ବାଧୀନତା ଦିବସ ଅବସରରେ ସମସ୍ତ ଦେଶବାସୀଙ୍କୁ ଶୁଭେଚ୍ଛା ଜଣାଉଛୁ। ତେବେ ଭାରତ-ଆମେରିକାର ମଧ୍ୟରେ ଥିବା ବନ୍ଧୁତ୍ୱ ଆଗକୁ ମଧ୍ୟ ମଜଭୁତ ରହିବ ବୋଲି କହିଛି ଆମେରିକା।