ନୂଆଦିଲ୍ଲୀ,୨୩।୧୦:ଦୀପାବଳି ପୂର୍ବରୁ ଭାରତ ଏବଂ ପାକିସ୍ତାନ ସୀମାରେ ପୁଣି ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି। ପାକିସ୍ତାନ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରୁଥିବାବେଳେ ଏହାର ଉଚିତ୍ ଜବାବ ମଧ୍ୟ ଦେଉଛି ଭାରତ। ଏସବୁଭିତରେ ପ୍ରତିବର୍ଷ ଦୀପାବଳିରେ ଦୁଇଦେଶ ମଧ୍ୟ ମିଠା ଆଦାନପ୍ରଦାନ ହୋଇଥାଏ। କିନ୍ତୁ ଏବର୍ଷ ତାହା ହୋଇନାହିଁ। ପ୍ରତିବର୍ଷ ଇସଲାମାବାଦରେ ଅବସ୍ଥାପିତ ଭାରତୀୟ ହାଇ କମିଶନ ପକ୍ଷରୁ ଦୀପାବଳିରେ ପାକିସ୍ତାନର ଗୁରୁତ୍ୱପୂର୍ଣ୍ଣ ଅଫିସ୍ଗୁଡିକୁ ମିଠା ପଠାଯାଇଥାଏ। କିନ୍ତୁ ଏବର୍ଷ ପଠାଯାଇଥିଲେ ମଧ୍ୟ ତାହା କୌଣସି ଅଫିସ ଗ୍ରହଣ କରିନାହିଁ। ସୂଚନାଯୋଗ୍ୟ, ଜମ୍ମୁ-କଶ୍ମୀରରୁ ୩୭୦ ଅନୁଚ୍ଛେଦ ଉଠିବା ପରେ ପାକିସ୍ତାନ ବିଚଳିତ ହୋଇପଡିଛି। ବାରମ୍ବାର ସୀମାରେ ଅସ୍ତ୍ରବିରତି ଉଲ୍ଲଘଂନ କରୁଥିବା ମଧ୍ୟ ଦେଖାଯାଇଛି।