ଖୋର୍ଦ୍ଧା ଅଫିସ୍,୧୬।୧୨: ଓ୍ବେଷ୍ଟଇଣ୍ଡିଜର ମହାନ ବ୍ୟାଟ୍ସମ୍ୟାନ୍ ବ୍ରାଏନ ଲାରା ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କୁ ଫୁଟବଲ କିମ୍ବଦନ୍ତୀ ଖ୍ରୀଷ୍ଟିଆନୋ ରୋନାଲଡୋଙ୍କ ସହ ତୁଳନା କରିଛନ୍ତି। କୋହଲିଙ୍କ ଖେଳ ପ୍ରତି ଥିବା ସମର୍ପଣ ଭାବକୁ ସେ ପ୍ରଶଂସା କରିଛନ୍ତି। ବିରାଟଙ୍କ ବ୍ୟାଟିଂ କୌଶଳ ଅବିଶ୍ୱସନୀୟ, ସଫଳ ବ୍ୟାଟିଂ କରିବା ପଛରେ ତାଙ୍କ ପ୍ରଚେଷ୍ଟାକୁ ଲାରା ସଲାମ କରିଛନ୍ତି। ସେ ଆହୁରି ମଧ୍ୟ କହିଛନ୍ତି, ବିରାଟଙ୍କ ଭଳି ଖେଲାଳି ସବୁ ସର୍ବଶ୍ରେଷ୍ଠ ଟିମ୍ରେ ସ୍ଥାନ ମିଳିବ ଏଥିରେ ସନ୍ଦେହ ନାହିଁ। କ୍ରିକେଟ ଖେଳିବା ପାଇଁ ତାଙ୍କ ପୂର୍ବ ପ୍ରସ୍ତୁତି ଏବଂ ତାଙ୍କ ଫିଟ୍ନେସକୁ ମଧ୍ୟ ଲାରା ପ୍ରଶଂସା କରିଛନ୍ତି। ଏହାସହ ସେ ଭାରତୀୟ ବ୍ୟାଟ୍ସମ୍ୟାନ୍ କେଲ ରାହୁଲ ଏବଂ ରୋହି ଶର୍ମାଙ୍କୁ ମଧ୍ୟ ପ୍ରଶଂସା କରିଛନ୍ତି।