ଭାରତୀୟ କ୍ରିକେଟ ଦଳ ସୁପର ଓଭରରେ ନ୍ୟୁଜିଲାଣ୍ଡକୁ ପରାସ୍ତ କରିବା ପରେ ଦଳକୁ ଚାରିଆଡୁ ଅଭିନନ୍ଦନର ସୁଅ ଛୁଟିଛି। ଏଥିରେ ସାମିଲ ହୋଇଛନ୍ତି ଅଧିନାୟକ ବିରାଟ କୋହଲିଙ୍କ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମା। ଭାରତୀୟ ଦଳର ବିଜୟକୁ ସେ ଅଭୂତପୂର୍ବ ବୋଲି କହିଛନ୍ତି। ଶୁଟିଂ ବ୍ୟସ୍ତତା ଯୋଗୁ ଏଥର ଦଳ ସହ ନ୍ୟୁଜିଲାଣ୍ଡ ଗସ୍ତରେ ଯାଇ ନ ଥିବା ଅନୁଷ୍କା ଭାରତ ବିଜୟରେ ଖୁସି ବ୍ୟକ୍ତ କରିଛନ୍ତି। ବିଜୟ ପରେ କୋହଲି ଦଳର ଏକ ଫଟୋ ଛାଡିଥିଲେ, ଯେଉଁଥିରେ କମେଣ୍ଟ ଦେଇଥିଲେ ‘ଫେନୋମେନାଲ’। ଭାରତୀୟ ମହିଳା ଦଳର ଖେଳାଳି ଝୁଲନ ଗୋସ୍ବାମୀଙ୍କ ଉପରେ ଆଧାରିତ ଫିଲ୍ମରେ ନଜରକୁ ଆସିବେ ଅନୁଷ୍କା। ଏହି ଫିଲ୍ମ ଶୁଟିଂରେ ଏବେ ସେ ବ୍ୟସ୍ତ ଅଛନ୍ତି।