????????????????????????????????????
ଛତ୍ରପୁର,୨୭।୬(ଡି.ଏନ.ଏ.)-ଭାରତର ସଂସ୍କୃତି ଓ ଆଧ୍ୟାମତ୍ିକ ଚିନ୍ତାଧାରା ପ୍ରତି ଆକର୍ଷିତ ହୋଇ ପୂର୍ବରୁ ବିଭିନ୍ନ ଦେଶର ବିଦ୍ୱାନମାନେ ଆସି ନିଜକୁ ଏଥିରେ ସମର୍ପି ଦେଇଛନ୍ତି। ଭାରତର ସନ୍ଥ, ମୁନି ଋଷିମାନେ ବିଶ୍ୱରେ ଚୈତନ୍ୟ ଭରି ଦେଇଛନ୍ତି। ତେଣୁ ସମସ୍ତ ଭାରତୀୟ ଗର୍ବ ଅନୁଭବ କରନ୍ତୁ ବୋଲି ଗୁରୁବାର ଅପରାହ୍ନରେ ଛତ୍ରପୁର ବ୍ଲକ ଅଗସ୍ତିନୂଆଗାଁ ଠାରେ ରାଜ୍ୟପାଳ ପ୍ରଫେସର ଗଣେଶୀ ଲାଲ କହିଛନ୍ତି। ଏଠାର ଚିଦାନନ୍ଦ ଦିବ୍ୟ ଧାମରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ରାଜ୍ୟପାଳ ଆହୁରି କହିଥିଲେ ଯେ, ପୂର୍ବ-ପଶ୍ଚିମ ସବୁ ଅପସରି ଯାଇଛି। ଏବେ ନୂଆ ଯୁଗର ଆରମ୍ଭ ହେଉଛି। ଭାରତୀୟ ସଂସ୍କୃତିର ଅନୁପମ ପୁଷ୍ପ ସାରା ବିଶ୍ୱରେ ସୁଗନ୍ଧିତ କରୁଛି। ପ୍ରଭୁ ଜଗନ୍ନାଥ ଓ ରଘୁନାଥଙ୍କ ଦେଶରେ କେହି ଅନାଥ କେମିତି ହେବେ। ଜସାଧାରଣଙ୍କୁ ସ୍ବଚ୍ଛ ପାଣି କିଭଳି ମିଳିବ ଏବଂ ମା,ଭଉଣୀ ଓ ଝିଅ କିଭଳି ସୁରକ୍ଷିତ ରହିବେ ଆମେ ଉଦ୍ୟମ କରିବା ଜରୁରୀ। ଖାଦ୍ୟ, ବସ୍ତ୍ର ଓ ଆଶ୍ରୟ ମିଳିବା ଜନସାଧାରଣଙ୍କ ଅଧିକାର ବୋଲି ରାଜ୍ୟପାଳ ତାଙ୍କ ସମ୍ଭାଷଣରେ କହିଥିଲେ। ରାଜ୍ୟପାଳ ପ୍ରଥମେ ନବନିର୍ମିତ ଚିଦାନନ୍ଦ ହୋମ, ସନ୍ଥ ନିବାସ, ଡିଭାଇନ୍ ହୋମ, ବଶିଷ୍ଠ ସଦନ ଓ ପରାଶର ସଦନ ଉଦଘାଟନ କରିଥିଲେ। କାର୍ଯ୍ୟକ୍ରମରେ ବ୍ରହ୍ମପୁର ଏମ୍ପି ଚନ୍ଦ୍ରଶେଖର ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଏଭଳି ଅନୁଷ୍ଠାନ, ସନ୍ଥ, ମୁନିମାନେ ମାନବ ସମ୍ବଳକୁ ଠିକ୍ କାର୍ଯ୍ୟ କରିବାକୁ ବାଟ ଦେଖାଉଛି ବୋଲି କହିଥିଲେ। ଅନ୍ୟତମ ସମ୍ମାନିତ ଅତିଥି ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା ଆଧ୍ୟାମତ୍ିକ ଚିନ୍ତାଧାରା ପରିପ୍ରକାଶ କରୁଥିବା ଉକ୍ତ ଅନୁଷ୍ଠାନର ଉତ୍ତୋରତର ଉନ୍ନତି କାମନା କରିଥିଲେ। ଛତ୍ରପୁର ବ୍ଲକ ଅଧ୍ୟକ୍ଷ ଏମ୍. ଧନଞ୍ଜୟ ରେଡ୍ଡୀ ଅନ୍ୟତମ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ। ସ୍ବାମୀ ବ୍ରହ୍ମସାକ୍ଷାତକାରାନନ୍ଦ ସରସ୍ବତୀ ଆଶୀର୍ବଚନ ଦେଇଥିଲେ। ଏହି ଅବସରରେ ଗୋପାଳକୃଷ୍ଣ ପାତ୍ର ଓ ଡ. କେଦାର ନାଥ ତ୍ରିପାଠୀଙ୍କୁ ରାଜ୍ୟପାଳ ସମ୍ବର୍ଦ୍ଧିତ କରିଥିଲେ। ଏଥିସହ ରାଜ୍ୟପାଳ, ବ୍ରହ୍ମପୁର ଏମ୍ପି, ଛତ୍ରପୁର ବିଧାୟକ, ବ୍ଲକ ଅଧ୍ୟକ୍ଷ ଓ ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷ (ବିଡିଏ)ର ଅଧ୍ୟକ୍ଷ ସୁବାସ ମହାରଣାଙ୍କୁ ଚିଦାନନ୍ଦ ଦିବ୍ୟଧାମ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ଟ୍ରଷ୍ଟି କେ ଶ୍ରୀଧର ଦାସ ସ୍ବାଗତ ସମ୍ଭାଷଣ, ପ୍ରତିଷ୍ଠାତା ତଥା ସଭାପତି ବିପ୍ର ଚରଣ ପାତ୍ର ସଂକ୍ଷିପ୍ତ ବିବରଣୀ, ପ୍ରଫୁଲ କୁମାର ରଥ ଧନ୍ୟବାଦ ଦେଇଥିଲେ। ଇନ୍ଦିରା ଅଧିକାରୀ, ଗୋପୀନାଥ ମହାରଣା, ରାଜେଶ ପାତ୍ର, ପତିତପାବନ କରଣ, ରଶ୍ମି ରଞ୍ଜନ ସାମନ୍ତରାୟ, ଜଗନ୍ନାଥ ଆଚାର୍ଯ୍ୟ, ଶାନ୍ତି ଭୂଷଣ ପଣ୍ଡା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।