ଡେରାଡୁନ୍,୮।୬: ଉତ୍ତରାଖଣ୍ଡର ଡେରାଡୁନରେ ଥିବା ଇଣ୍ଡିଆନ୍ ମିଲିଟାରୀ ଏକାଡେମୀ(ଆଇଏମ୍ଏ)ରେ ଏକ ପାସିଂ ଆଉଟ୍ ପରେଡ୍ ପରେ ୩୮୨ ଜଣ ଅଧିକାରୀ ଭାରତୀୟ ସେନାରେ ଶନିବାର ଯୋଗ ଦେଇଥିବା ସୂଚନା ମିଳିଛି। ଲ୍ୟୁଟନାଣ୍ଟ ଜେନରାଲ ଚେରିଶ ମ୍ୟାଥସନ୍, ଜେନେରାର ଅଫିସର କମାଣ୍ଡିଙ୍ଗ-ଇନ୍-ଚିଫ୍, ସାଉଥ୍ ଓ୍ବେଷ୍ଟର୍ଣ୍ଣ କମାଣ୍ଡ ଉକ୍ତ ପରେଡରେ ଅଭିବାଦନ ଗ୍ରହଣ କରିଥିଲେ। ଏହି ପରେଡରେ ମୋଟ ୪୫୯ ଜଣ ଅଧିକାରୀ ଯୋଗ ଦେଇଥିବା ବେଳେ ବନ୍ଧୁତ୍ୱପୂର୍ଣ୍ଣ ଦେଶର ୭୭ ଜଣ ବିଦେଶୀ କ୍ୟାଡେଟ ମଧ୍ୟ ଯୋଗ ଦେଇଥିଲେ।