ବେଙ୍ଗାଲୁରୁ, ୪।୬(ପି.ଟି.)- କରୋନା ଭାଇରସ ସଂକ୍ରମଣ ଜନିତ ଲକ୍ଡାଉନ୍ ସ୍ଥିତି ଯୋଗୁ ୨ ମାସର ବିରାମ ପରେ ଭାରତୀୟ ମହିଳା ଓ ପୁରୁଷ ହକି ଦଳ ସୁସଙ୍ଗଠିତ ଏବଂ ପର୍ଯ୍ୟାୟକ୍ରମେ ବୁଧବାରଠାରୁ ଆଉଟଡୋର ଟ୍ରେନିଂ ଆରମ୍ଭ କରିଛି। ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜିଓର (ଏସଓପି) ଅନୁସାରେ ଜାତୀୟ ଦଳର ଆଉଟଡୋର ଟ୍ରେନିଂ ଗତ ସୋମବାରଠାରୁ ଆରମ୍ଭ ହୋଇଛି ବୋଲି ବୁଧବାର ହକି ଇଣ୍ଡିଆ ପକ୍ଷରୁ ପ୍ରକାଶ କରାଯାଇଛି। ସ୍ପୋଟର୍ସ ଅଥରିଟି ଅଫ୍ ଇଣ୍ଡିଆ ପରିସରରେ ଭାରତୀୟ ସିନିୟର ମହିଳା ଓ ପୁରୁଷ ଦଳର କ୍ରୀଡ଼ା କାର୍ଯ୍ୟକଳାପ ଜୁନ୍ ୧ରୁ ଆରମ୍ଭ ହୋଇ ଯାଇଛି। ଏଥିରେ ଏସଓପିର ସମସ୍ତ ନିୟମ ଅନୁପାଳନ ହୋଇଛି ବୋଲି ହକି ଇଣ୍ଡିଆ ପକ୍ଷରୁ ଏକ ବିବୃତ୍ତିରେ ପ୍ରକାଶ କରାଯାଇଛି। ଦୀର୍ଘଦିନପରେ ଖେଳାଳିମାନେ ପଡ଼ିଆକୁ ଫେରିଥିବାରୁ ଖେଳାଳିମାନେ ପ୍ରାରମ୍ଭିକ ପର୍ଯ୍ୟାୟରେ ପଡ଼ିଆରେ ଅଳ୍ପ ସମୟ କଟାଇ ବେସିକ୍ ଟ୍ରେନିଂ କରୁଛନ୍ତି। ଏହାଦ୍ୱାରା ଆହତ ସମସ୍ୟାକୁ ଏଡ଼ାଇ ଦେଇହେବ। କୋଚିଂ ଷ୍ଟାଫ୍ ପିଲମାନଙ୍କ ପାଇଁ ନୂଆ ନିୟମ ଅନୁସାରେ କାର୍ଯ୍ୟସୂଚୀ ପ୍ରସ୍ତୁତ କରିଛନ୍ତି ବୋଲି ହକି ଇଣ୍ଡିଆ ପକ୍ଷରୁ କୁହାଯାଇଛି।