ଓ୍ବାଶିଂଟନ,୧୩।୬: ଏବେ କ୍ରିକେଟ୍ ବିଶ୍ୱ କପ୍ ନେଇ ବେଶ୍ ଲୋକଙ୍କ ମଧ୍ୟରେ ଉତ୍ସାହ ଜାରି ରହିଛି। ତେବେ ଫାଇନାଲରେ ମୁକାବିଲା କେଉଁ ଦୁଇ ଦେଶ ମଧ୍ୟରେ ହେବ ତାହା ଜଣାପଡ଼ି ନ ଥିବାବେଳେ ଗୁଗୁଲ ସିଇଓ ସୁନ୍ଦର ପିଚାଇଙ୍କ ମନ୍ତବ୍ୟ ନେଇ ଆରମ୍ଭ ହୋଇଛି ଚର୍ଚ୍ଚା। ସୁନ୍ଦର କହିଛନ୍ତି ଫାଇନାଲ୍ରେ ଭାରତ-ଇଂଲଣ୍ଡ ମଧ୍ୟରେ ମୁକାବିଲା ହେବାର ସମ୍ଭାବନା ରହିଛି। ଅପରପକ୍ଷରେ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ଭଲ ଟିମ୍। ମାତ୍ର ଫାଇନାଲ୍ରେ ଭାରତ-ଇଂଲଣ୍ଡ ଖେଳିବା ସମ୍ଭାବନା ଅଧିକ ଥିବା ସୁନ୍ଦର କହିଛନ୍ତି। ସୁନ୍ଦରଙ୍କ ମନ୍ତବ୍ୟ ନେଇ ଏବେ ସୋସିଆଲ୍ ମିଡ଼ିଆରେ ଭିନ୍ନ ଭିନ୍ନ କମେଣ୍ଟ ଆସିବାରେ ଲାଗିଛି।