କିଶନଗଞ୍ଜ,୧୨।୧: ବିହାର କିଶନଗଞ୍ଜର ଭାରତ-ନେପାଳ ସୀମାରେ ଏକ ଅଭାବନୀୟ ଘଟଣା ଘଟିଛି। ଏଠାରେ ମୁତୟନ ଥିବା ସଶସ୍ତ୍ର ସୀମା ସୁରକ୍ଷା ବଳ ଯବାନ ଅଭୟ କୁମାର ଲଗାତର ୪୫ ମିନିଟ ଧରି ଆକାଶକୁ ଗୁଳିଚାଳନା କରିଥିଲେ। ଅପରାହ୍ନ ୩ଟାରେ ଘଟିଥିବା ଏହି ଘଟଣାନେଇ ଫରଓ୍ବାର୍ଡ ପୋଷ୍ଟରେ ହଇଚଇ ସୃଷ୍ଟି ହୋଇଥିଲା। ଉଚ୍ଚ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ସେତେବେଳକୁ ଅଭୟ ନିଜ ଇଂସାସ୍ ରାଇଫଲ୍ରୁ ୨ ଶହରୁ ଅଧିକ ଗୁଳି ଆକାଶକୁ ଫାୟାରିଂ କରିସାରିଥିଲେ। ତାଙ୍କୁ କାବୁ କରାଯାଇଥିଲା। ରାଜସ୍ଥାନ ବାସିନ୍ଦା ଅଭୟଙ୍କର ମାନସିକ ସ୍ଥିତି ଠିକ୍ ନ ଥିବା ସ୍ଥାନୀୟ ପୋଲିସ ଉପାଧ୍ୟକ୍ଷ ଅଜୟ କୁମାର ଝା ସୂଚନା ଦେଇଛନ୍ତି।