ମୁମ୍ବାଇ, ୨୪।୯: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଶିବସେନା-ଭାଜପା ମଧ୍ୟରେ ଆସନ ବଣ୍ଟା ଅଙ୍କ ଛିଡୁନି। ରାଜ୍ୟର ୨୮୮ ବିଧାନସଭା ଆସନ ମଧ୍ୟରୁ ଶିବସେନା ଭାଗରେ କେତେ ଏବଂ ଭାଜପା ଭାଗରେ କେଉଁକେଉଁ ଆସନ ପଡ଼ିବ ତାହାର ସମାଧାନ ହୋଇ ପାରୁନି। ଏପରିସ୍ଥଳେ ଶିବସେନା ସଦସ୍ୟ ସଞ୍ଜୟ ରାଓ୍ବତ କହିଛନ୍ତି ଯେ, ଶିବସେନା-ଭାଜପା ମଧ୍ୟରେ ଆସନ ବଣ୍ଟା ୧୯୪୭ରେ ହୋଇଥିବା ଭାରତ-ପାକିସ୍ତାନ ଭାଗବଣ୍ଟାଠାରୁ ବି ଅଧିକ ଭୟଙ୍କର। ଆସନ ବଣ୍ଟାରେ ଉଭୟ ଦଳର ସ୍ଥିତିକୁ ଆକଳନ କରାଯାଉଛି। ଏହା ଏବେ କାଠିକର ପାଠ ଭଳି ଜଣାପଡୁଥିବା ସେ କହିଛନ୍ତି।