ଭୁବନେଶ୍ୱର,୧୬-୧୧: ଭାରତ ମସଲା ଏବଂ ଓ୍ବେଲ୍ବିଙ୍ଗ ପ୍ରତିଷ୍ଠାନ ପକ୍ଷରୁ ବିଶ୍ୱ ମଧୁମେହ ଦିବସ ପାଳିତ ହୋଇଯାଇଛି। ଏହି ଅବସରରେ ଏକ ଓ୍ବାକାଥନ ଅନୁଷ୍ଠିତ ହୋଇଥିଲା। ଏଥିରେ ୧୫୦୦ ଲୋକ ଅଂଶଗ୍ରହଣ କରିଥିଲେ। ବାଲିଯାତ୍ରା ତଳ ପଡିଆରେ ଏକ ଓ୍ବାକିଂ ଟ୍ରାକ ନିର୍ମାଣ କରାଯାଇଥିବା ବେଳେ ଏହାକୁ ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି କଳ୍ପେଶ ସତ୍ୟେନ୍ଦ୍ର ଜାଭେରୀ ଉଦ୍ଘାଟନ କରିଥିଲେ। ଓ୍ବାକାଥନ ଟିମ ଏଥିରେ ଭାଗ ନେଇଥିଲା। ଠିକ୍ ଖାଦ୍ୟ ଗ୍ରହଣ, ନିୟମିତ ବ୍ୟାୟାମ, ଚିନ୍ତା ଦୂର କରିବା, ଠିକ୍ ନିଦ୍ରା ଭଳି ବିଭିନ୍ନ ପ୍ରସଙ୍ଗ ଉପରେ ସଚେତନତା ସୃଷ୍ଟି କରିବା ଲାଗି ଏଭଳି ଏକ ଓ୍ବାକାଥନ ଆୟୋଜନ କରାଯାଇଥିଲା। ସୁସ୍ଥ ଜୀବନଶୈଳୀ ଉପରେ କାର୍ଯ୍ୟକ୍ରମରେ ଗୁରୁତ୍ୱାରୋପ କରାଯାଇଛି। ଓଡ଼ିଶା ହାଇକୋର୍ଟର ଅବସରପ୍ରାପ୍ତ ବିଚାରପତି ଜଷ୍ଟିସ ଡି.ପି. ଚୌଧୁରୀ ଓ୍ବାକାଥନକୁ ଶୁଭାରମ୍ଭ କରିଥିଲେ। ବାରବାଟୀ କଟକ ଏମ୍ଏଲ୍ଏ ମହମ୍ମଦ ମୋକିମ, ଡିଷ୍ଟ୍ରିକ ମାଜିଷ୍ଟ୍ରେଟ ବିଏସ୍ ଚୟନୀ, ଓଡ଼ିଆ ଅଭିନେତା ଶ୍ରୀତମ ଦାସ, ଏସ୍ସିବି ମେଡିକାଲ କଲେଜ ପ୍ରଫେସର ଜୟନ୍ତ କୁମାର ପଣ୍ଡା, ଭାରତ ମସଲା ଏମ୍ଡି ସୁଶାନ୍ତ କୁମାର ପଣ୍ଡା ଓ୍ବାକାଥନରେ ଯୋଗଦେଇଥିଲେ।