ନୂଆଦିଲ୍ଲୀ,୧୮।୬: ଫିଚ୍ ରେଟିଂ ଏଜେନ୍ସି ଗୁରୁବାର ଭାରତର ଆଉଟଲୁକ୍କୁ ନକାରାତ୍ମକ ରହିବା ନେଇ ଆକଳନ କରିଛି। ଭାରତର ଆଉଟଲୁକ୍ ସ୍ଥିର ରହିବ ବୋଲି ଏହା ପୂର୍ବରୁ କହିଥିବା ବେଳେ ବର୍ତ୍ତମାନ ଏହାକୁ ନକାରାତ୍ମକ କରିଥିବା ଜଣାପଡ଼ିଛି। ଏହି ଏଜେନ୍ସି ଗତ ୮ ବର୍ଷ ମଧ୍ୟରେ ପ୍ରଥମ ଥର ଏଭଳି କରିଥିବା ଜଣାପଡିଛି। କରୋନା ଯୋଗୁ ଭାରତର ଅଭିବୃଦ୍ଧି ପ୍ରଭାବିତ ରହିବ। ଏଥିଯୋଗୁ ଭାରତୀୟ ଅର୍ଥ ବ୍ୟବସ୍ଥା ସାମ୍ନାରେ ବଡ ଚ୍ୟାଲେଞ୍ଜ ରହିଥିବା ବେଳେ ସରକାରଙ୍କ ଋଣ ଚାପ ମଧ୍ୟ ବଢ଼ିଛି। ଏଭଳି ସ୍ଥିତିରେ ଭାରତର ରେଟିଂକୁ ଏହି ଏଜେନ୍ସି ବିବିବି- ରଖିଛି। ଏହାକୁ ନୂ୍ୟନତମ ନିବେଶ ଗ୍ରେଡ୍ ବୋଲି କୁହାଯାଉଛି। ଭାରତର ଅଭିବୃଦ୍ଧିକୁ ବିପଦ ରହିଥିବା ଏହା ପ୍ରକାଶ କରିଛି। ୨୦୨୦-୨୧ ଆର୍ଥତ୍କ ବର୍ଷରେ ଭାରତର ଅଭିବୃଦ୍ଧି ୫% ଖସିବ ବୋଲି ଏହା ଆକଳନ କରିଛି। ୨୦୨୧-୨୨ରେ ବିକାଶ ହାର ୯.୫%କୁ ବୃଦ୍ଧି ଘଟିବା ନେଇ ଆକଳନ କରାଯାଇଛି।