ବର୍ତ୍ତମାନ ୨୦୧୯ କ୍ରିକେଟ ବିଶ୍ୱକପ୍ ଚାଲିଛି। ଇତି ମଧ୍ୟରେ ଭାରତୀୟ ଦଳର ପ୍ରଦର୍ଶନ ଭଲ ରହିଛି। ଏହାକୁ ନେଇ କ୍ରିକେଟପ୍ରେମୀଙ୍କ ସମେତ ସାରା ଭାରତ ଉତ୍ସାହିତ ଅଛି। ୧୯୮୩ରେ ଭାରତ ଐତିହାସିକ ବିଜୟ ହାସଲ କରିଥିଲା। ଏହା ଉପରେ କବୀର ଖାନ୍ଙ୍କ ନିର୍ଦ୍ଦେଶନାରେ ଏକ ଫିଲ୍ମ ‘୮୩’ ନିର୍ମାଣ ହେବାକୁ ଯାଉଛି। ଯାହାକୁ ନେଇ ଏବେଠାରୁ ଚର୍ଚ୍ଚା ମଧ୍ୟ ଆରମ୍ଭ ହୋଇଯାଇଛି। ରଣବୀର ସିଂହ ଏବଂ ଦୀପିକା ପାଦୁକୋନଙ୍କ ପ୍ରମୁଖ ଚରିତ୍ର ବିଶିଷ୍ଟ ଏହି ସିନେମାକୁ ଦର୍ଶକ ଚାହିଁ ବସିଛନ୍ତିି। ଇତି ମଧ୍ୟରେ କ୍ରିକେଟ ପ୍ରେମୀଙ୍କ ପାଇଁ ଆଉ ଏକ ଖୁସି ଖବର ସମ୍ମୁଖକୁ ଆସିଛି। ଯାହା ଶୁଣିବାକୁ ମିଳୁଛି ୨୦୧୯ରେ ଇଣ୍ଡିଆ ବିଶ୍ୱକପ୍ ଜିତିଲେ ଫିଲ୍ମ ‘୮୩’ର ସହ ପ୍ରଯୋଜକ ମଧୁ ମଣ୍ଟେନା ଆଉ ଏକ ସିନେମା ନିର୍ମାଣ କରିବେ।
ଏହାକୁ ନେଇ ମଧୁ କୁହନ୍ତି, ୧୯୮୩ରେ ଭାରତର ଐତିହାସିକ ବିଜୟ ଉପରେ ଫିଲ୍ମ ‘୮୩’ ନିର୍ମାଣ ହେଉଛି। ସେହିପରି ୨୦୧୯ରେ ଭାରତ ବିଶ୍ୱକପ୍ ଜିତିଲେ ଏହା ଉପରେ ଆଉ ଏକ ଫିଲ୍ମ ନିର୍ମାଣ ହେବ ବୋଲି ମଧୁ କହିଛନ୍ତି।