ବଲାଙ୍ଗୀର ଅଫିସ/ଲୋଇସିଂହା, ୪ା୬(ଡି.ଏନ୍.ଏ.)-ଆରଓଆର(ରାଇଟ୍ ଅଫ୍ ରେକର୍ଡସ) କରିଦେବା ବାବଦରେ ଜଣେ ବ୍ୟକ୍ତିିଙ୍କଠାରୁ ୬ ହଜାର ଟଙ୍କା ଲାଞ୍ଚ ନେବାବେଳେ ଆଗଲପୁର ତହସିଲ ଅଫିସର ଭାରପ୍ରାପ୍ତ ହେଡକ୍ଳର୍କ ବିକାଶ ଭୋଇ ଓ ରାଜସ୍ବ ସହକାରୀ ଚନ୍ଦ୍ରଶେଖର ପାତ୍ରଙ୍କୁ ବଲାଙ୍ଗୀର ଭିଜିଲାନ୍ସ ଟିମ୍ ଗୁରୁବାର ଗିରଫ କରିଛି ା ବୁଦୁଲା ଗ୍ରାମର ମାଧବ ନାଗ ତାଙ୍କ ଜମି ସଂକ୍ରାନ୍ତୀୟ କାମ ପାଇଁ ଆଗଲପୁର ତହସିଲ ଅଫିସକୁ ଯାଇ ଆରଓଆର କରିଦେବାକୁ ଅନୁରୋଧ କରିଥିଲେ ା ତେବେ ଏହି ଅଫିସର ଇନଚାର୍ଜ ହେଡକ୍ଳର୍କ ବିକାଶ ଭୋଇ ତାଙ୍କୁ ୬ ହଜାର ଟଙ୍କା ଦେଲେ ଯାଇ ଆରଓଆର ହୋଇପାରିବ ବୋଲି କହିଥିଲେ ା ବାରମ୍ବାର ଅନୁରୋଧ କରିବା ପରେ ମଧ୍ୟ ହେଡକ୍ଳର୍କ ଭୋଇ ତାଙ୍କୁ ୬ହଜାର ଟଙ୍କା ଦେବାକୁ ଦାବି କରିଥିଲେ। ଏନେଇ ମାଧବ ବଲାଙ୍ଗୀର ଭିଜିଲାନ୍ସ ଅଫିସକୁ ଆସି ଅଭିଯୋଗ କରିଥିଲେ ା ସମସ୍ତ ଯୋଜନା ମୁତାବକ ଗୁରୁବାର ମାଧବ ୬ ହଜାର ଟଙ୍କା ଧରି ଆଗଲପୁର ତହସିଲ ଅଫିସକୁ ଯାଇ ଇନ୍ଚାର୍ଜ ହେଡକ୍ଳର୍କ ଭୋଇଙ୍କୁ ୬ ହଜାର ଟଙ୍କା ଦେଇଥିଲେ ା ଭୋଇ ଉକ୍ତ ଟଙ୍କାକୁ ସେହି ଅଫିସର ରାଜସ୍ବ ସହକାରୀ ଚନ୍ଦ୍ରଶେଖର ପାତ୍ରଙ୍କୁ ଦେଇ ଦେବାକୁ କହିଥିଲେ ା ଭୋଇଙ୍କ କହିବା ମୁତାବକ ୬ ହଜାର ଟଙ୍କାକୁ ମାଧବ ରାଜସ୍ବ ସହକାରୀ ପାତ୍ରଙ୍କୁ ପ୍ରଦାନ କରିଥିଲେ ା ଏତିକିବେଳେ ସେଠାରେ ଥିବା ଭିଜିଲାନ୍ସ ଟିମ୍ ଚଢ଼ାଉ କରି ପାତ୍ରଙ୍କଠାରୁ ଉକ୍ତ ଟଙ୍କା ଜବତ୍ କରିବା ସହ ଉଭୟ ଭାରପ୍ରାପ୍ତ ହେଡକ୍ଳର୍କ ଓ ରାଜସ୍ବ ସହକାରୀଙ୍କୁ ଗିରଫ କରିଥିଲେ ା ଏହି ଚଢ଼ାଉ ପୂର୍ବରୁ ହେଡକ୍ଳର୍କ ବିକାଶ ଭୋଇଙ୍କ ବିରୋଧରେ ସମ୍ବଲପୁର ଭିଜିଲାନ୍ସ ବିଭାଗରେ ଏକ ମାମଲା (ନଂ.୧୦/୨୦୨୦) ରୁଜୁ କରାଯାଇଛି ା ଗୁରୁବାର ଅଭିଯୁକ୍ତ ଇନଚାର୍ଜ ହେଡକ୍ଳର୍କ ଭୋଇ ଓ ରାଜସ୍ବ ସହକାରୀ ପାତ୍ରଙ୍କୁ କୋର୍ଟଚାଲାଣ କରାଯାଇଥିବା ସୂଚନା ଦିଆଯାଇଛି ା