ମୁମ୍ବାଇ, ୭ା୮ (ପି.ଟି.)-ଆଗାମୀ ‘ଭିଜି’ ଟ୍ରଫି ପାଇଁ କ୍ରିକେଟ ଆଇକନ ସଚିନ ତେନ୍ଦୁଲକରଙ୍କ ପୁତ୍ର ଅର୍ଜୁନ ତେନ୍ଦୁଲକର ୧୫ ଜଣିଆ ମୁମ୍ବାଇ ଦଳରେ ସ୍ଥାନ ପାଇଛନ୍ତି। ଭିଜି ଟ୍ରଫି ଆନ୍ଧ୍ର ପ୍ରଦେଶରେ ଅଗଷ୍ଟ ୨୨ରୁ ଖେଳାଯିବ। ଅର୍ଜୁନ ହେଉଛନ୍ତି ଜଣେ ବାମହାତୀ ଫାଷ୍ଟ ବୋଲର। ୫୦ ଓଭର ବିଶିଷ୍ଟ ‘ଓପନ୍’ ଟୁର୍ନାମେଣ୍ଟ ପାଇଁ ମୁମ୍ବାଇ କ୍ରିକେଟ ଆସୋସିଏଶନ (ଏମ୍ସିଏ) ମଙ୍ଗଳବାର ଏହାର ଓ୍ବେବ୍ସାଇଟ୍ରେ ଖେଳାଳି ତାଲିକା ପ୍ରକାଶ ପାଇଛି। ଅତୀତରେ ୧୯ ବର୍ଷୀୟ ଅର୍ଜୁନ ମୁମ୍ବାଇ ଟି୨୦ ଲିଗ୍ରେ ଖେଳିଥିଲେ। ସେ ୫ ଲକ୍ଷ ଟଙ୍କାରେ ନିଲାମ ହୋଇଥିଲେ। ଅର୍ଜୁନ ଆହୁରି ମଧ୍ୟ ଭାରତୀୟ ଦଳର ନେଟ୍ସରେ ବୋଲିଂ କରିଥାନ୍ତି।
ମୁମ୍ବାଇ ଦଳ: ହାର୍ଦ୍ଦିକ ତାମୋର (ଅଧିନାୟକ), ସୃଜନ ଆଥାଓ୍ବେଲ୍, ରୁଦ୍ର ଧାନ୍ଦେ, ଚିନ୍ମୟ ସୂତାର, ଅଶୟ ସରଦେଶାଇ, ସାଇରାଜ ପାଟିଲ, ଓଁକାର ଯାଦବ, ସତ୍ୟଲକ୍ଷ୍ୟ ଜୈନ, ମିନାଦ ମଞ୍ଜ୍ରେକର, ଅର୍ଜୁନ ତେନ୍ଦୁଲକର, ଅମନ ଶେରନ, ଅଥର୍ବ ପୂଜାରୀ, ମାକ୍ସଓ୍ବେଲ୍ ସ୍ବାମୀନାଥନ, ପ୍ରଶାନ୍ତ ସୋଲାଙ୍କି ଏବଂ ବିଘ୍ନେଶ ସୋଲାଙ୍କି।