ଭୋପାଳ,୨୭।୬: ମଧ୍ୟପ୍ରଦେଶରେ କମଲନାଥ ସରକାର ଭିଡ଼ ହିଂସା ପାଇଁ କଡ଼ା ଆଇନ ଆଣିବାକୁ ଯାଉଛନ୍ତି। ଏଣିକି ଏଭଳି କରୁଥିବା ଅଭିଯୁକ୍ତଙ୍କୁ ୫ ବର୍ଷ ଜେଲ୍ ସହିତ ଜରିମାନା ଦଣ୍ଡାଦେଶ କରାଯିବ। ରାଜ୍ୟରେ ଗୋରକ୍ଷକ ଭାବେ ନାନା ପ୍ରକାର ହିଂସା ହେଉଥିବାରୁ ସରକାର ଏହି ନିଷ୍ପତ୍ତି ଗ୍ରହଣ କରିଛନ୍ତି। ୨୦୦୯ଠାରୁ ୨୦୧୯ର ବର୍ତ୍ତମାନ ସୁଦ୍ଧା ଦେଶରେ ଏଭଳି ୨୮୭ ହିଂସାକାଣ୍ଡ ଘଟିଥିବାବେଳେ ଏଥିରେ ୯୮ ଲୋକଙ୍କ ମୃତ୍ୟୁ ଘଟିଛି। ଏଥିରେ ୭୨୨ ଜଣ ଲୋକ ଆହତ ହୋଇଥିବା କୁହାଯାଉଛି। ତେବେ ଏଥିରେ ରୋକୋ ଲଗାଇବା ପାଇଁ କମଲନାଥ ସରକାର ଅଣ୍ଟା ଭିଡ଼ିଛନ୍ତି।