ମୁମ୍ବାଇ: ବଲିଉଡ୍ ମହାନାୟକ ଅମିତାଭ ବଚ୍ଚନ ସୋସିଆଲ ମିଡିଆରେ ଆକ୍ଟିଭ ଥିବା ବେଳେ ରବିବାର ବିଳମ୍ବିତ ରାତିରେ ସେ ଏକ ଫଟୋ ଶେୟାର କରିଛନ୍ତି। ଯାହା ସୋମବାର ସକାଳେ ଆସିଛି ଚର୍ଚ୍ଚାକୁ। ବିଗ୍ ବି ହଳଦିଆ ରଙ୍ଗର ଏକ ଭିଣ୍ଟେଜ କାର୍ ପାଖରେ ଠିଆ ହୋଇଥିବା ଦେଖିବାକୁ ମିଳିଛି। ଏହି ଫଟୋ ଶେୟାର କରି ସେ କ୍ୟାପଶନରେ କିନ୍ତୁ କିଛି ଲେଖି ନାହାନ୍ତି। କେବଳ ଏତିକି କହିଛନ୍ତି ସ୍ପିଚଲେସ୍। ଏହାସହ ଲେଖିଛନ୍ତି ସବୁ କାହାଣୀର ପଛରେ ବି ଏକ କାହାଣୀ ଥାଏ। ଆଉ ଯେତେବେଳେ ଶୁଣିବା ଆରମ୍ଭ ହେବ ସେତେବେଳେ କାହାଣୀ କୁହାଯିବ ବୋଲି ସେ ଉଲ୍ଲେଖ କରିଛନ୍ତି। ଏହାଠାରୁ ଅଧିକ କିଛି ସେ କାର୍ ବିଷୟରେ ଲେଖି ନାହାନ୍ତି। ତେବେ ଅମିତାଭଙ୍କ ଏହି ଫଟୋ ଦେଖିବା ପରେ ତାଙ୍କ ପ୍ରଶଂସକମାନେ ଏହାକୁ ଖୁବ୍ ପସନ୍ଦ କରିଛନ୍ତି। ଏହାସହ ଅମିତାଭ ତାଙ୍କ ପୁରୁଣା ସ୍ମୃତିକୁ ମନେପକାଇଛନ୍ତି ଭାବି କେତେଜଣ ୟୁଜର୍ସ ତାଙ୍କୁ ଶୁଭେଚ୍ଛା ମଧ୍ୟ ଜଣାଇଛନ୍ତି। ଏମିତିକି କେହି କେହି ତାଙ୍କ ପୁରୁଣା ଫିଲ୍ମର ଫଟୋ ମଧ୍ୟ ଶେୟାର କରିଦେଇଛନ୍ତି। ଏହି ଭିଣ୍ଟେଜ କାର୍ ୧୯୩୮-୧୯୬୧ ପର୍ଯ୍ୟନ୍ତ ଚାଲୁଥିବା ବେଳେ ଏହା ୟୁନାଇଟେଡ କିଙ୍ଗଡମ, ଆମେରିକା, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଆର୍ଜେଣ୍ଟିନା, କାନାଡା ଆଦି ଦେଶରେ ବହୁ ପରିମାଣରେ ଚାଲୁଥିଲା।