ନୂଆଦିଲ୍ଲୀ,୧୫।୮: ଦେଶର ଭିତ୍ତିଭୂମି ବିକାଶ କ୍ଷେତ୍ରରେ ଶହେ ଲକ୍ଷ କୋଟି ଟଙ୍କା ବିନିଯୋଗ ହେବ। ୭୩ ତମ ସ୍ବାଧୀନତା ଦିବସ ପାଳନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନେଇ ସୂଚନା ଦେଇଛନ୍ତି। ଦେଶର ସଡ଼କ ପଥର ବିକାଶ ଦ୍ୱାରା ବ୍ୟବସାୟିକ କ୍ଷେତ୍ର ବେଶ୍ ସୁଦୃଢ଼ ହୋଇପାରିବ। ଏବେ ଦେଶରେ ୪ ଲେନ୍ ସଡ଼କ ପଥ ରହିଛି। ଏହାକୁ ପରବର୍ତ୍ତୀ ସମୟରେ ୬ ଲେନ୍ କରାଯିବାର ବ୍ୟବସ୍ଥା କରାଯାଉଛି। ସେହିପରି ଅନ୍ୟ କ୍ଷେତ୍ରରେ ବହୁବିଧ ବିକାଶ ପାଇଁ ସରକାର ଯୋଜନା କରୁଥିବା ପ୍ରଧାନମନ୍ତ୍ରୀ କହିଛନ୍ତି।