ଥିମ୍ପୁ,୧୮।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨ ଦିନିଆ ଭାରତ ଗସ୍ତରେ ଗତ ୧୭ ତାରିଖରେ ଭୁଟାନ ଗସ୍ତ କରିଥିଲେ। ସେତେବେଳେ ବିମାନ ବନ୍ଦରରୁ ହିଁ ତାଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା। ହେଲେ ମୋଦିଙ୍କ ଉଦ୍ଦେଶ୍ୟରେ ସେଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇଥିବା ସମୟରେ ମୋଦିଙ୍କ ସାମ୍ନାରେ ଆଉ ଜଣେ ମୋଦି ଆସି ଯାଇଥିଲେ। ଯାହାର ଏକ ଭିଡିଓ ଏବେ ପିଏମ୍ଓ ପକ୍ଷରୁ ଶେୟାର କରାଯାଇଛି। ଅର୍ଥାତ୍ ମୋଦିଙ୍କୁ ସ୍ବାଗତ କରିବା ପରେ ଭୁଟାନବାସୀ ଏକ ନାଟକ ମଞ୍ଚସ୍ଥ କରିଥିଲେ। ଯେଉଁଥିରେ ମୋଦିଙ୍କ ପିଲାଦିନଠାରୁ ଆରମ୍ଭ କରି ପ୍ରଧାନମନ୍ତ୍ରୀ ହେବା ପର୍ଯ୍ୟନ୍ତ ସମସ୍ତ ଘଟଣାକୁ ସ୍ଥାନ ଦିଆଯାଇଥିଲା। ଆଉ ଯେତେବେଳେ ଶେଷ ପର୍ଯ୍ୟାୟରେ ମୋଦିଙ୍କ ସାମ୍ନାରେ ଆଉ ଜଣେ ମୋଦି ଠିଆ ହୋଇଥିଲେ ସେତେବେଳେ ପ୍ରଧାନମନ୍ତ୍ରୀ ମୋଦି ସ୍ମିତ ହାସ୍ୟ ଦେଇଥିବା କୁହାଯାଉଛି।