ଭୁବନେଶ୍ୱର,୧୪ା୬(ବ୍ୟୁରୋ) : ରବିବାର ଭୁବନେଶ୍ୱରରେ ଆଉ ୧୬ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ୧୪ ଜଣ ହୋମ୍ କ୍ୱାରାଣ୍ଟାଇନ୍ରେ ଥିବା ବେଳେ ୨ ଜଣ ସ୍ଥାନୀୟ ସଂକ୍ରମିତ ବୋଲି ଭୁବନେଶ୍ୱର ମହାନଗର ନିଗମ(ବିଏମ୍ସି) ପକ୍ଷରୁ ଟୁଇଟ୍ ଯୋଗେ ସୂଚନା ଦିଆଯାଇଛି।
ସେମାନଙ୍କ ମଧ୍ୟରୁ ହୋମ୍ କ୍ୱାରାଣ୍ଟାଇନ୍ରେ ଥିବା ଆକ୍ରାନ୍ତମାନେ ହେଲେ ପଟିଆ ଶ୍ରୀ ବିହାରର ଜଣେ ୩୧ ବର୍ଷୀୟ ଯୁବକ, ୬୫ ବର୍ଷୀୟ ବୃଦ୍ଧ ଏବଂ ୫୮ ବର୍ଷୀୟା ଜଣେ ମହିଳା। ସେହିପରି ଜୟଦେବ ବିହାରର ଗୋଟିଏ ପରିବାରର ଦୁଇଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ୭୨ ବର୍ଷୀୟ ଜଣେ ବୃଦ୍ଧ ଏବଂ ୭୧ ବର୍ଷୀୟ ବୃଦ୍ଧା। ସେମାନେ ଯୁକ୍ତରାଷ୍ଟ୍ର ଆମେରିକାରୁ ଫେରିଥିଲେ। ଶାସ୍ତ୍ରୀନଗରରୁ ୭୫ ବର୍ଷୀୟ ଜଣେ ବୃଦ୍ଧ ଚିହ୍ନଟ ହୋଇଥିବା ବେଳେ ୪୦ ବର୍ଷୀୟ ଜଣେ ବ୍ୟକ୍ତି ଆକ୍ରାନ୍ତ ହୋଇଛନ୍ତି। ସେମାନେ କୋଲକାତା ଫେରନ୍ତା ବୋଲି ଜଣାପଡ଼ିଛି। ଡୁମ୍ଡୁମାରୁ ଜଣେ ୨୨ ବର୍ଷୀୟ ଯୁବକ ଚିହ୍ନଟ ହୋଇଛନ୍ତି। ସେ ପୁଣେରୁ ଫେରିଥିବା ଜଣାପଡ଼ିଛି। କଳିଙ୍ଗବିହାରରୁ ଜଣେ ୩୪ ବର୍ଷୀୟ ଯୁବକ କରୋନା ଆକ୍ରାନ୍ତ ହୋଇଛନ୍ତି। ସେ ଓମାନରୁ ଫେରିଥିଲେ। ସତ୍ୟନଗରରୁ ଜଣେ ୩୩ ବର୍ଷୀୟ ଯୁବକ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ସେ ଦିଲ୍ଲୀରୁ ଫେରିଥିଲେ। ସେହିପରି ନୟାପଲ୍ଲୀ ଶବରସାହିର ଜଣେ ୫୪ ବର୍ଷୀୟ ବ୍ୟକ୍ତିଙ୍କୁ କରୋନା ହୋଇଛି। ସେ ନିକଟରେ ଚେନ୍ନାଇରୁ ଫେରିଥିଲେ। ରସୁଲଗଡ଼ ନେତାଜୀବିହାରରୁ ଜଣେ ୪୭ ବର୍ଷୀୟ ବ୍ୟକ୍ତି କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେ ଗୁରୁଗାଓଁରୁ ଫେରିଥିଲେ। ଯଦୁପୁରରୁ ଜଣେ ୩୧ ବର୍ଷୀୟ ଯୁବକ ଚିହ୍ନଟ ହୋଇଛନ୍ତି। ସେ ଦିଲ୍ଲୀରୁ ଫେରିଥିବା ଜଣାପଡ଼ିଛି। ସେହିପରି ୟୁନିଟ୍ ୩ ମସ୍ଜିଦ୍ କଲୋନୀରୁ ଜଣେ ୬୦ ବର୍ଷୀୟ ବୃଦ୍ଧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେ କୋଲକାତାରୁ ଫେରି ହୋମ୍ କ୍ୱାରାଣ୍ଟାଇନ୍ରେ ଥିଲେ। ପଳାଶୁଣି କପିଳେଶ୍ୱର ବିହାରରୁ ଜଣେ ୨୫ ବର୍ଷୀୟ ଯୁବକ କରୋନା ସଂକ୍ରମିତ ହୋଇଥିବା ବେଳେ ଏକ ବେସରକାରୀ ହସ୍ପିଟାଲର ଜଣେ ୩୨ ବର୍ଷୀୟ କର୍ମଚାରୀ କରୋନା ଆକ୍ରାନ୍ତ ହୋଇଥିବା ବିଏମ୍ସି ପକ୍ଷରୁ ସୂଚନା ଦିଆଯାଇଛି।
ସୂଚନାଯୋଗ୍ୟ, ଭୁବନେଶ୍ୱରରୁ ବର୍ତ୍ତମାନ ସୁଦ୍ଧା ୧୨୨ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୬୦ ଜଣ ସୁସ୍ଥ ହୋଇଛନ୍ତି। ୫୮ ଜଣ ଚିକିତ୍ସିତ ହେଉଛନ୍ତି। ୩ ଜଣଙ୍କ ମୃତ୍ୟୁ ଘଟିଛି।