ଭୁବନେଶ୍ୱର,୨୦।୪(ବ୍ୟୁରୋ): ସୋମବାରଠାରୁ ରାଜଧାନୀର ସରକାରୀ ଅଫିସକୁ ୩୩ ପ୍ରତିଶତ କର୍ମଚାରୀ ଆସିବେ। ଗଞ୍ଜାମ ପରି ଅନେକ ସ୍ଥାନରେ ସୋମବାର ପରେ କଟକଣା କୋହଳ କରିବ ପ୍ରଶାସନ। ହେଲେ ଭୁବନେଶ୍ୱରରେ କିଛି କୋହଳ ହେବ ନାହିଁ। ନିୟମ ବଳବତ୍ତର ରହିବ। ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଏହି କଟକଣା ଜାରି ରହିବ ବୋଲିି ଟୁଇଟ୍ କରି କହିଛନ୍ତି ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ। ପୂର୍ବଭଳି ସୋମବାର ମଧ୍ୟ ବିଭିନ୍ନ ସ୍ଥାନରେ ଯାଞ୍ଚ କଡ଼ାକଡ଼ି ହେବ। ଭୁବନେଶ୍ୱରରେ ସରକାରୀ କର୍ମଚାରୀଙ୍କ ପାଇଁ ପୋଲିସ ନିୟମରେ କିଛି ପରିବର୍ତ୍ତନ କରିଛି। ସେମାନଙ୍କ ପାଇଁ ପାସ୍ର ଆବଶ୍ୟକତା ନାହିଁ। ଯିବାବେଳେ ପରିଚୟ ପତ୍ର ଏବଂ ଅଫିସ୍ ମୁଖ୍ୟଙ୍କ ଚିଠି ଦେଖାଇବାକୁ ଅନୁରୋଧ କରାଯାଇଛି। ଆଇଟି ଏବଂ ଆଇଟିଏସ୍ କମ୍ପାନୀ କର୍ମଚାରୀ ଘରେ ରହି କାର୍ଯ୍ୟ ଜାରି ରଖିବାକୁ ଅନୁରୋଧ କରାଯାଇଛି। କେନ୍ଦ୍ର ସରକାର କର୍ମଚାରୀଙ୍କ ପାଇଁ ଏମ୍ଏଚ୍ଏ ଅର୍ଡର ଅନୁଯାୟୀ,ଡେପୁଟି ସେକ୍ରେଟେରି ପଦବୀରୁ ଊର୍ଦ୍ଧ୍ୱ ଅଧିକାରୀମାନେ କାର୍ଯ୍ୟାଳୟରେ ଯୋଗଦେବେ। ଅନ୍ୟମାନେ ୩୦ ପ୍ରତିଶତରେ ସୀମିତ ରହିବେ। ଏହାସହିତ ସାର,କୀଟନାଶକ,ପଶୁ ଫିଡ଼୍, ସିମେଣ୍ଟ, ଲୁହା, କୃଷି ଉପକରଣ ଦୋକାନ ବନ୍ଦ ରହିବ। ଏସି, ରେଫ୍ରିଜରେଟର ଇତ୍ୟାଦି ଜୁରୁରିକାଳୀନ ମରାମତି କେବଳ ଡାଏଲ ୧୦୦ ଦ୍ୱାରା ଅନୁମତି ମିଳିବ ବୋଲି ସିପି କହିଛନ୍ତି।
