ଭୁବନେଶ୍ୱର, ୨୭ା୬(ବ୍ୟୁରୋ): ଭୁବନେଶ୍ୱର କଣ୍ଟ୍ରାକ୍ଟର ଆସୋସିଏଶନ ତରଫରୁ ବୁଧବାର ଏକ ହୋଟେଲରେ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଆସୋସିଏସନ ସଭାପତି ଜଗଦୀଶ ପାତ୍ର, ଉପସଭାପତି ଚିନ୍ମୟ ସୱାଇଁ, ସମ୍ପାଦକ ବିଭୁତି ଭୂଷଣ ଜେନାଙ୍କ ସମେତ ପିଏଚ ଏବଂ ଆରଆଣ୍ଡବିର ବହୁ ‘ସି’ ଏବଂ ‘ଡି’ କ୍ଲାସ କଣ୍ଟ୍ରାକ୍ଟରମାନେ ଉପସ୍ଥିତ ରହିଥିଲେ। ଏହି ଅବସରରେ ସଭାପତି ବୈଠକର ମୁଖ୍ୟ କାରଣ କିଭଳି କଣ୍ଟ୍ରାକ୍ଟର ମାନଙ୍କ କାଗଜ ପତ୍ର ନିୟମାନୁଗତ କରିବା ସହିତ ବାକି ରହିଥିବା ବିଲ ଟଙ୍କା ପାଇବେ ସେ ବିଷୟରେ ନିଜର ବକ୍ତବ୍ୟ ରଖିଥିଲେ। ମୁଖାତଃ ପିଏଚ କଣ୍ଟ୍ରାକ୍ଟର ମାନେ ଗତ ତିନି ମାସ ହେଲା କୌଣସି ବିଲ ବାବଦ ଟଙ୍କା ପାଇପାରୁନାହାନ୍ତି ଏବଂ ଏହା ସହିତ ଫନିରେ କ୍ଷୟକ୍ଷତି ହୋଇଥିବା ପାଣି ସପଲାୟ ପୁନରୁଦ୍ଧାର କାର୍ଯ୍ୟ ନିଜେ ନିଜେ କରିଥିଲେ ବି ଗତ ମାସେ ହେଲା ଏହାର ଟଙ୍କା ମଧ୍ୟ ବିଭାଗ ଦେଉନାହିଁ। ଯାହାର ଆନୁମାନିକ ମୁଲ୍ୟ ପ୍ରାୟ ୨ କୋଟି ଟଙ୍କା ରୁ ଉଦ୍ଧର୍ବ ହେବ। ପିଏଚର ଡିଭିଜନ ୧ ଓ ୨ ଏବେ ୱଆଟକୋ ଅଧୀନରେ ଯାହାପାଇଁ କଣ୍ଟ୍ରାକ୍ଟର ମାନେ ବହୁ ଅସୁବିଧାର ସମ୍ମୁଖିନ ହେଉଛନ୍ତି। ଏହା ବ୍ୟତୀତ ଆସୋସିଏସନ ପକ୍ଷରୁ ଅନ୍ୟାନ୍ୟ କାର୍ଯ୍ୟ ତାଲିକା ଏବଂ ନିବେଦନ ପତ୍ର ସଚିବଙ୍କୁ ପ୍ରଦାନ କରାଯାଇଛି ଯାହାକି ଏଯାବତ ତର୍ଜମାରେ ଅଛି। ତେବେ ଆସନ୍ତା ୭ ଦିନ ମଧ୍ୟରେ ଯଦି ଉକ୍ତ ସମସ୍ୟାର ସମାଧାନ ନ କରାଯାଏ ତେବେ କାର୍ଯ୍ୟବନ୍ଦ ରହିବ ବୋଲି ବୈଠକରେ ନିଷ୍ପତ୍ତି ନିଆଯାଇଛି।