ଖୁଣ୍ଟୁଣୀ,୨୮ା୩(ଡି.ଏନ୍.ଏ.)- ମହାମାରୀ କରୋନା ଭୂତାଣୁ ଯୋଗୁ ସାରା ବିଶ୍ୱ ଏବେ ଅଚଳାବସ୍ଥା ହୋଇପଡ଼ିଛି। ଅଚାନକ ଲକଡାଉନ ଘୋଷଣା ହେବା ପରେ ଅନେକ ଲୋକ ନିଜ ଗନ୍ତବ୍ୟସ୍ଥଳରେ ନ ପହଞ୍ଚତ୍ପାରି ଅଧାବାଟରେ ଫସିଯାଇଛନ୍ତି। ସେହିଭଳି ପଶ୍ଚିମବଙ୍ଗର ଜଣେ ଦିନ ମଜୁରିଆ ପୁରଲିଆର ବିକ୍ରମ ରବାନୀ(୩୦) କ୍ଷେତ୍ରରେ ଦେଖିବାକୁ ମିଳିଛି। ଶୁକ୍ରବାର ସେ ଭୁବନେଶ୍ୱରରୁ ରେଳଧାରଣାରେ ୫୫କିମି ଚାଲି ଚାଲି ଆସି ଖୁଣ୍ଟୁଣୀସ୍ଥିତ ରାଧାକିଶୋରପୁର ଗ୍ରାମରେ ସନ୍ଧ୍ୟାରେ ପହଞ୍ଚତ୍ ଥିବାବେଳେ ଲୋକଙ୍କ ନଜରଙ୍କୁ ଆସିଥିଲେ। ଏହି ସମୟରେ କେତେକ ଗଣମାଧ୍ୟମ ବିକ୍ରମଙ୍କୁ ଦେଖି ସ୍ଥାନୀୟ ରେଳସୁରକ୍ଷା କର୍ମୀଙ୍କୁ ଜଣାଇଥିଲେ। ପରେ ତାଙ୍କୁ କିଛି ଖାଇବା ଦେବା ସହ ୨ଶହ ଟଙ୍କା ଦେଇ ଖୁଣ୍ଟୁଣୀ ଥାନାକୁ ଜିମା ଦେଇଥିଲେ। ଖୁଣ୍ଟୁଣୀ ଥାନାଧିକାରୀ ସୁଚିତ୍ର ବିର୍ଯ୍ୟ ଦାସ ତାଙ୍କଠାରୁ ସବୁ ଘଟଣା ଜାଣିବା ପରେ କିଛି ଆର୍ଥତ୍କ ସାହାଯ୍ୟ ଦେଇ ଏକ ଟ୍ରକ ଯୋଗେ ମଙ୍ଗୁଳି ପଠାଇଥିଲେ। ପରେ ମଙ୍ଗୁଳି ଫାଣ୍ଡି ପୋଲିସ ସହାୟତାରେ ଏକ ଟ୍ରାନ୍ସପୋର୍ଟ ଟକ୍ରରେ କଲିକତା ପଠାଇ ଦିଆଯାଇଥିଲା। ସୂଚନାଯୋଗ୍ୟ, ବିକ୍ରମ ୫/୬ଦିନ ତଳେ ଜଣେ ଠିକାଦାରଙ୍କ ଅଧୀନରେ କାମ କରିବା ପାଇଁ ଭୁବନେଶ୍ୱରକୁ ଆସିଥିଲେ। ହେଲେ ସମ୍ପୃକ୍ତ ଠିକାସଂସ୍ଥାଟି ଲକ୍ଡାଉନ ଘୋଷଣା ଯୋଗୁ କାର୍ଯ୍ୟ ବନ୍ଦ କରିଦେଇଥିଲେ। ଫଳରେ ବିକ୍ରମ ୨/୩ ଦିନ ପାଖରେ ରଖିଥିବା ଟଙ୍କାରେ କଷ୍ଟେମଷ୍ଟେ ଚଳିଯାଇଥିଲେ। ଗତ ୨ ଦିନ ହେବ ଉପାସ ରହିବା ପରେ ଚାଲି ଚାଲି ଗ୍ରାମ ଅଭିମୁଖେ ଯିବାକୁ ବାହାରିଥିଲେ।