Pneumonia coronavirus
ବଲାଙ୍ଗୀର ଅଫିସ, ୭ା୫- ବଲାଙ୍ଗୀର ଜିଲା ଲିଖିରିଆ ଗଁାର ଦୁଇଜଣ କରୋନା ସଂକ୍ରମିତ ଯୁବକଙ୍କୁ ଗୁରୁବାର ବଲାଙ୍ଗୀର କୋଭିଡ୍ ହସ୍ପିିଟାଲରୁ ଭୁବନେଶ୍ୱର କିମ୍ସ କୋଭିଡ୍ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ଏହି ଦୁଇ ଯୁବକ ସଂକ୍ରମିତ ବୋଲି ଗତ ମେ ୧ ତାରିଖ ଦିନ ଜଣାପଡିଥିଲା। ସେମାନେ ତାମିଲନାଡୁରୁ ଗତ ମାର୍ଚ୍ଚ ୧୭ ତାରିଖ ଦିନ ବଲାଙ୍ଗୀର ଫେରି ଗଁାକୁ ଯାଇଥିଲେ। ସେଠାରେ ୧୪ ଦିନ ପାଇଁ ହୋମ୍ କ୍ୱାରାଣ୍ଟାଇନ୍ରେ ରହିଥିଲେ। ସେମାନଙ୍କ ଠାରେ କୌଣସି ଲକ୍ଷଣ ଦେଖାଯାଇନଥିଲା। ତେବେ ଲକ୍ଷଣ ନଥାଇ ମଧ୍ୟ କରୋନା ସଂକ୍ରମିତ ହେଉଥିବା ରିପୋର୍ଟ ବୃଦ୍ଧି ପାଇବା ପରେ ଗତ ଏପ୍ରିଲ ୨୮ ତାରିଖ ଦିନ ଏହି ଦୁଇ ଯୁବକଙ୍କ ସ୍ବାବ୍ ପରୀକ୍ଷା ପାଇଁ ପଠାଯାଇଥିଲା। ଏମାନଙ୍କ ରିପୋର୍ଟ ପିଜିଟିଭ ଆସିବା ପରେ ଜିଲା ମେଡିକାଲ ଟିମ୍ ଉଭୟ ସଂକ୍ରମିତଙ୍କୁ ବଲାଙ୍ଗୀର କିସ୍ କ୍ୟାମ୍ପସ୍୍ ସ୍ଥିତ କୋଭିଡ ହସ୍ପିଟାଲକୁ ଅଣାଯାଇ ଚିକିତ୍ସା କରାଯାଉଥିଲା। ଏହି ଦୁଇ ଯୁବକଙ୍କ ଉଚ୍ଚତର ଚିକିତ୍ସା ପାଇଁ ସେମାନଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଥିତ୍ବା ସିଡିଏମ୍ଓ ଡା ନାରାୟଣ ଥନାପତି ସୂଚନା ଦେଇଛନ୍ତି।